Pizza Hut enpresa ezagunak publizitate kanpaina berria jarri du martxan pizzazaleek Pizza Hut Card izeneko sari bat eskuratzeko asmoz SMS bidezko mezuak bidal ditzaten. Santana, Areeta, Itzubaltzeta / Erromo eta inguruko postontzietan utzitako publizitatean ez dago euskarazko bertsiorik, ezta euskarazko hitzik ere. Izan ere, esku-orrietan hitz bakarra jarri dute euskaraz, baita txarto jarri ere: Gexto.
Telefonica Publicidad e Informacion (TPI) enpresak 2004ko irailean akats berbera izan zuen udal bizkaitarraren izena Leioa eta Getxoko “Orrialde Horiak” argitalpeneko azaletan “Gextxo” eta “Gexto” jarriz. Baina, TPIk nahiago izan zuen akatsa zuzentzeko 42.000 azaletan pegatina bat jartzea, txarto kaleratzea baino.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun