Atzo aurkeztu zen Andoaingo Martin Ugalde Kultur Parkean "Entsegu Lokala" izeneko hirugarren bilduma. Gaztesarea atariak eta Xirika Gazte Kazetak elkarlanean eginiko diskoaren ezaugarrien artean, talde gazteen aldeko apostu garbia eta autogestioan bizi dien taldeen alderko aukera ditugu. Bildumaren antolatzaileen esanetan, "gazte mugimenduko proiektu komunikatiboetatik hasieratik ari gara euskal musika talde gazteen lana bultzatu nahiean". Horretarako Musikalek, Gaztesarea atarian eta Xirika kazetan daraman filosofiari jarraiki kontratu diskografikorik gabeko 16 talde batu ditu CD bilduma honetan. Era berean, "talde guztien abestien hitzak euskaraz daude, euskararen normalkuntzarako bidean ere urrats txiki bat eman nahi baitugu bilduma honekin", adierazi dute.
Rock musika nagusi
Aurreko bi konpilazioetan bezala, herrialde ezberdinetako taldeak batzen dira bilduma honetan. Talde gehienak gipuzkoarrak dira Malenkonia, Golpe de Estado, Adikune, Ozen, Nuke, Itaka, Lukas Prest edo Afonia kasu, bizkaitarrak ditugu berriz, Dirties, Oliba Gorriak, Ekin eta Abra Kadaver taldeak. Lapurditik Mix6t taldea, Arabatik Mossin Nagant eta Nafarroatik Banda Batxokik ixten dute parte hartzaileen zerrenda. Musika eraginen inguruan berriz, zera diote disko hau gure herrietan gertatzen denaren isla garbia da, eta musikalki hemen ere rock musika da nagusi. Hala ere badira beste estilo ezberdinak jorratzen dituztenak pop, reggae edo rap-a kasu
Gure herrietako entsegu lokaletan sortzen ari diren doinu gazte eta berriak ezagutzeko aukera ezinhobea da Gaztesarea eta Xirikaren eskutik datorkigun CD hau.
"Entsegu lokala" izeneko hirugarren bilduman parte hartu du Ekin musika talde algortarrak
Musika talde gazteei bultzada eta sostengua emateko asmoz, "Entsegu lokala" izeneko hirugarren bilduma sortu dute Gaztesarea atariak eta Xirika Gazte Kazetak. Bertan, euskaraz abesten duten eta inolako kontratu diskografikorik gabeko euskal herriko 16 talde batzen dira, Algortako Ekin tartean. Duela bost urte pasatxo, batera ikasten zuten lagun batzuek elkarrekin jotzea erabaki zutenean sortu zen taldea. Beraiengan eragina izan duten musika taldeak Etsaiak, Kop, Habeas Corpus eta beste hainbat dira. Bost abestitako maketa bat grabatu ostean, "Zenbat urte" izenekoa da Pablo (kitarrajolea), Borja (baxua), Jon (gitarra), Urtzi (ahotsa) eta Keparen (bateria) lehendabiziko diska. Harremanetarako: 653 738 676 Pablo. (Informazioa eta argazkia: Gaztesarea.net).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun