“Asmoa Jabekuntza Eskolan sortu zen eta ondoren beste erakunde eta elkarte batzuek bat egin dute, emakumeentzako gune bat sortzeko helburuarekin; emakumeak bertan bil daitezen, lanbide bat ikas dezaten eta, besteak beste, sexu-heziketa ezezik, gizarte eta osasun mailakoak ere lan ditzaten, euren elkartea sendotzearekin batera”, Iñaki Urkiza Gizarte Zerbitzu zinegotzi getxoztarrak argitutakoaren arabera.
Bisitaldia
Lan horrekin batera, datozen hiru asteotan Saharar Emakumeen Batasuna elkarteko arduradunei hezkuntza tailerra emango zaiei eta El Aaiuneko Emakumeen Etxea eta Dakhlako Emakumeen Eskola eta Eguzki-energia Zentroa bisitatuko dituzte. Han Smarako etxean beharrezkoa izango den eguzki-energiaren instalakuntzaren ardura izango duten emakume taldearekin bilduko dira. Horiek 2003an jaso zuten trebakuntza. Getxoko Udala lehenengo aste honetan hartzen ari da parte bidaian.
Smara herrian (argazkian) emakumeei bideratutako ekimenak sustatzeko zentroa eraikitzea aurrikusten ari da Getxo, Basauri, Ermua eta Ondarroako udalek osatzen duten Emakumeentzako Jabekuntza Eskola; Sahararen aldeko Getxoko ATFAL elkartea, Saharako Arabiar Errepublika Demokratikoaren (SAED) Lagunen Elkartea, Emakunde, Euskal Fondoa eta Bilbo zein Gasteizko udalekin batera. Aipatu erakundeetako ordezkariek, Getxoko Udalekoak tartean, Tindoufeko (Aljeria) saharar errefuxiatuen kanpamentuetan dira jada, egitasmo honen beharrak zeintzuk diren zehazteko. Besteak beste, Saharar Emakumeen Batasunarekin elkarlanean eramango dute aurrera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun