Horrela, Villamonteko kultur aretoan (Algorta), Nelson Flores Donostian bizi den margolari kolonbiarrak osatutako “Iberiar paisaiak” margo erakusketa egongo da ikusgai, irailaren 19tik 24ra bitartean. Toki horretan bertan, aste osoan zehar, racismomaton delakoa, norberak bere jarrera arrazistak neurtzeko, argazkiak kalean egiteko makinaren itxura duen tresna kokatuta egongo da nahi duenarentzat.
Itzubaltzeta / Erromoko kultur etxean, berriz, “Bolivia, nazioen arragoa” izenburuko hitzaldia antolatu dute, eta horrekin batera, Boliviako gastronomiatik aukeratutako jakiak dastatzeko aukera izango da irailaren 21ean, asteazkenean, 18:30ean, Jaime Nuñez Arbol Bi Bizkaiko Auzotar Boliviarren Elkarteko ordezkariak antolatuta.
Azkenik, Algortako San Nikolas plazan Argentinatik etorritako “Memo y el desguace” taldearen emanaldia izango da ostiralean, irailaren 23an, 21:30ean hasita. Informazio gehiago nahi izanez gero, www.getxo.net eta www.semanainterculturalidad.org lortu daiteke.
Margo erakusketa eta rock kontzertua izango ditu Getxoko Kultur Arteko Asteak
2005ko ira. 14a, 22:49
Irailaren 19tik 24ra arte ospatuko da Getxo udalerrian Kultur Arteko Astea. EAEn ekimena egiten den hirugarren aldia da; Getxon, ordea, lehenengoa, aurten sartu baita Uribe Kostako herria atzerritik etorritako etorkinei harrera emateko udal sarean. “Kultur Arteko Asteak, aniztasunean oinarritutako elkarbizitzaren inguruan sentsibilizatzea, eta komunikazioa eta herritarren parte-hartzea bultzatzea” ditu helburu nagusiak, gaur Iñaki Urkiza Gizarte Zerbitzuetako zinegotziak prentsaurrekoan adierazi duenez. Egitasmoa Eusko Jaurlaritzako Etxebizitza eta Gizarte Gaietako Saileko Inmigrazio Zuzendaritzak antolatu du, Getxoko Udaleko Inmigrazio eta Kultur Arteko Sailaren laguntzaz.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun