Alderdiaren barruan euskararen erabilera bultzatzeko "Esaidazu Euskaraz" kanpaina jarriko du martxan EAJk
Datorren irailaren 25ean, EAJko Alderdi Eguna, alegia, abiatuko du Euzko Alderdi Jeltzaleak "Esaidazu Euskaraz" izeneko kanpaina. Ekimen horren helburuak dira alderdi barruan euskararen erabilera bultzatzea, "hau da, euskaldunek euskaldunekin euskaraz hitz egin dezatela", eta euskaldun kopurua alderdi barruan haztea: "erdaldunak ere animatu nahi ditugu euskara ikas dezaten eta euskaraz bizi daitezen". Era berean, alderdiko "Euskararen Erabilera Normalizatzeko Plana" onartzeko lagungarria izango delakoan dago EAJ.
Alderdi jeltzaleak "Esaidazu Euskaraz" kanpainaren argibiderako zabaldutako informazioaren arabera, "euskara erabili behar dugu gure aberri hizkuntza delako, ez bakarrik harreman pertsonaletan, instituzioetan eta egiteko politikoan ere bai". Horregatik, kanpaina ez da mugatuko alderdiaren barruko kontua izatera eta "alderdia gizarte aurrean aurkezten den guztietan agertuko dugu 'Esaidazu Euskaraz' leloa". Alderdi eguneko hitzorduaz gain, abenduaren 3an, "euskararen nazioarteko eguna", jendaurrean zabalduko du EAJk euskararen erabilera bultzatzeko ekimena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun