Neguko ordutegi berria, 2006ko ekainaren bukaera arte indarrean egongo dena, "oporretako etenaren ostean ohiko zereginetara itzuliko direnen eskaerari erantzuteko asmoz" antolatu du garraio enpresak, astean 507 bidaia gehiago bilduz. Guztira, Metro Bilbaok 4.100 zirkulazio antolatuko ditu astelehenetik igandera, denera 9.126 kilometro eginez.
Ordutegi berriari begira, iazko neguko zerbitzuaren ezaugarri nagusiei eutsiko die Metro Bilbaok. Trenak 7:30ak eta 10:00ak bitartean 2'5 minutuko maiztasuna izango du bi lineak batera ibiltzen diren ibilbidean eta, berriz, Ibaizabaleko bi itsasadarren tarteetan 5 minutuko maiztasuna berreskuratuko ditu. Goizeko 10:00etatik iluntzeko 21:00ak arte maiztasunak 3 eta 6 minutukoak izango dira, hurrenez hurren. Bestalde, Plentziarako maiztasuna 18 edo 20 minutukoa izango da, egunen eta ordutegien arabera.
Gaueko zerbitzuari dagokionez, larunbatetan gau osoan zehar ibiliko da, eta ostiraletan eta jai bezperatan goizaldeko 2:00ak arte, 15 minutuan behin Etxebarri-San Inazio tartean eta ordu erdian behin bi adarretan.
Laburpena:
Lanegunetan (astelehenetik ostiralera)
Puntako orduak (7:30 -10:00)
Etxebarri-San Inazio: 2,5’
Etxebarri-Bidezabal: 5’
Etxebarri-Sestao: 5’
Etxebarri-Plentzia: 20’
Haran orduak
Etxebarri-San Inazio: 3’
Etxebarri-Bidezabal: 6’
Etxebarri-Sestao: 6’
Etxebarri-Plentzia: 18’
Larunbatetan
Puntako orduak (16:00-21:00)
Etxebarri-San Inazio: 3’
Etxebarri-Bidezabal: 6’
Etxebarri-Sestao: 6’
Etxebarri-Plentzia: 18’
Haran orduak
Etxebarri-San Inazio: 2,5’
Etxebarri-Bidezabal: 5’
Etxebarri-Sestao: 5’
Etxebarri-Plentzia: 20’
Igande eta jaietan
Etxebarri-San Inazio: 2,5’
Etxebarri-Bidezabal: 5’
Etxebarri-Sestao: 5’
Etxebarri-Plentzia: 20’
Gaueko zerbitzua
15 minuturo Etxebarri-San Inazio ibilbidean
30 minuturo bi adarretan
Ostiral eta jai bezperetan: metroa 02:00 al aldera itxiko da
Larunbatetan: metroa gau osoa ibiliko da
Bihartik aurrera eta ekainaren 30a bitartean, Metro Bilbao neguko ordutegiaren arabera ibiliko da. Ohikoa denez, jai eta hondartzen denboraldia bukatzear dagoela, ostiral gaueko zerbitzuak eta Bidezabal eta Plentzia arteko bidaien kopurua murriztuko dira baina, aldi berean, trenak lanegunetan hainbat ordutan maiztasun gehiagorekin ibiliko dira, ibilbide osoan zehar. Metro Bilbaok egindako aurreikuspenen arabera, %17 gehituko da lanegunetako trenen zirkulazioa datorren astelehenetik aurrera. Eskaintza zabaltze horrekin bidaiariei lanegun bakoitzean ia ehun bidaia gehiago egiteko aukera ematen zaie. Horrela, astelehenetik ostegunera, 641 tren ibiliko dira egunero, eta ostiraletan, aldiz, 668. Dagoeneko ordutegi berriak eskuragai daude metro geltokietan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun