UTGIAGek gogoratu du irailaren 16an 4.271 sinadura aurkeztu zituela Getxoko udal erregistroan eta iragarri du 30ean burutuko den udal batzarra baino lehen beste sinadura sorta aurkeztuko duela. Taldearen arabera, orain arte Udal Gobernuak ez dio herritarron aldarrikapenari erantzunik eman, eta datorren urterako aurreikusita dituzten tasa igoerak baino ez ditu iragarri: "Nola liteke milaka getxoztarron idatzizko eskaera aipatu ere ez egitea?".
Getxoko Udal Gobernuko kideek jarrera alda dezaten eta zarama tasarekin zein udal igerilekuetarako sarrerarekin "egin duten astakeria" zuzen dezaten, herritar ekimenak atxikimenduak biltzen jarraituko ditu, bai taldeak berak jarritako mahaien bidez, baita hainbat denda, saltoki eta tabernatan dauden sinadura orrien bidez.
Dagoeneko 5.000 getxoztarrek eskatu dute zarama eta igerilekuen tasen igoerak bertan behera uztea
Udal Tasen Gehiegizko Igoeren Aurkako Getxoztarrok herritar ekimenak zarama tasari ezarri zaion %86ko igoera eta udal igerilekuetara sartzeko ezarri den euro bateko tasa berria bertan behera utzi daitezela exijitzeko 5.000 sinadura baino gehiago bildu ditu jadanik, UTGIAG kolektiboak prentsa ohar baten bidez iragarri duenez. Era berean, bihar, irailak 24, larunbata, Algortako dendarien azoka txikia eta Txalaparta Jaia aprobetxatuz, sinadura bilketarako mahaia jarriko du Telletxe plazan goizeko 10:30etik aurrera. Bestalde, arratsaldeko 18:00etatik aurrera mahaia Areetako Eskoletako plazan izango da Mesedetako Amaren jaien harira. Argazkian, UTGIAGeko kide bat irailaren 16an Getxoko udal erregistroan sinadurak aurkezten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun