Europako Arte Ederren fakultaterik garrantzitsuenak biltzen dituen sareak iaz Bristolen (Britainia Handia) egin zuen lehenengo batzarra eta, aurten, EHUko Leioako campusean izango da bigarrena. Bertan 11 ikastegiren ordezkariak egongo dira: Bolognako Academia di Belli Arti, Athens School of Art, Pariseko Ecole National Superieure des Beaux-Arts, Zuricheko Schule für Gestaltung edo Berlingo Universitat der Kunstekoak, eta lau ikastegi gonbidatuetakoak, besteak beste. Jorratuko duten gai nagusia Europako Goi Mailako Hezkuntzaren Bateratze prozesuan Arte Ederrak nola egokituko diren izango da. Europako Arte Ederren Ikastegien II. Bileraren inaugurazioa ostegun honetan (irailak 29) izango da, 10:30ean, Arte Ederren Fakultateko gradu aretoan.
Ostegunean ere, 20:00etan, Europako Arte Ederren ikastegien II. Bileran parte hartzen dutenak 18. Ikustentzun Erakusketaren inauguraziora bertaratuko dira. EHUko Pintura saileko Ikustentzun Atalak antolatutako erakusketak espezializate horretako azken ikasturteko ikaleen obrak biltzen ditu, hain zuzen 11 bideoinstalazio eta 40 programazio bideografiko. Aurten artista gonbidatua Carlos Saura izango da: bere argazkiak eta zenbait pelikula prestatzeko erabilitako marrazkiak erakutsiko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun