Mozioak aurkezteaz gain, Getxo Biziak proposamenak udal batzarreko gai ordenean egoteko, eta eztabaidatuak eta bozkatuak izateko "Getxoko herritarrek duten eskubide eta behar demokratikoa" aldarrikatu du. Horrelakorik gertatu ezean, EAJ, EA eta EB Getxoko Udaleko gobernukideen ardura "zuzena izango da" Getxo Biziaren ustez, "Getxo Biziari dagokion postua okupatzen ari direlarik eta udal batzarra behar bezala osatzeko pausu bat bera ere eman ez dutelako urte bi hauetan".
Getxo Biziak aurkeztutako mozioak:
Bidaiari untzi transatlantikoen kaia (pdf)
Zarama eta igerilekuetako tasa berriak ezeztatzearen alde (pdf)
Zarama eta igerilekuetako tasak ezeztatzeko eta kai berriaren lanak gelditzeko mozioak aurkeztu ditu Getxo Biziak
Ostiral honetan burutuko den Getxoko udal batzarrerako bi mozio aurkeztu ditu Getxo Bizia herri plataformak. Alde batetik, transatlantikoentzako propio egiten ari den kai berriaren lanak gelditzea eskatu du, ingurumeneko eragineko azterketarik ez delako egin eta "beharrezkoak diren azterlanak, kokapen desberdin posibleei buruzko alternatiba azterketa eta herriari sor zaion eztabaida egin daitezen". Beste aldetik, %86ko igoera izan duen zarama tasa eta igerilekuetan sartzeko ezarri den euro bateko gain-tasa bertan behera uztea aldarrikatu du, "Udal Tasen Gehiegizko Igoeren Aurkako Getxoztarrak herritar ekimenak udal talde politikoei eginiko eskaera eta Getxoko 6.000 herritarren sinadurak aintzat hartuz". Argazkian, Josu Amezaga Getxo Biziako hautetsia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun