Itzubaltzetatik Kilometroetara joateko autobusa antolatu du Gazte Enbata konpartsak

Erabiltzailearen aurpegia
Itzubaltzeta / Erromoko Gazte Enbata konpartsak datorren urriaren 2an ospatuko den Gipuzkoako ikastolen jaialdira joateako autobusa jarriko du. Izena eman nahi duenak egin ahal izango du aste osoan zehar Itzubaltzeta gaztetxean. Horretarako ordutegia arratsaldeko 17:30etik 20:00etara izango da. Kilometroak jaialdiko zirkuituak Aretxabaleta eta Eskoriatza inguruko 8.100 metro izango ditu, paraje zoragarria eta ibiltzeko erosoan. Aretxabaletatik abiatzen da eta inguruko elizateetatik pasa ondoren, herrira jaisten da berriz. Aldapa oso gutxi dauka, aterpe nahiko, eta trafikoarekin ez du inongo interferentziarik. Antolakuntzak zortzi gune prestatu ditu eta bertan, besteak beste, Brigada Kriminal, Sorkun, Kaotiko, Zorabiok, Tapia eta Leturia, Trikizio eta Urgabe entzuteko aukera izango da. Bestalde, Kilometroen kanta ofiziala kaleratu du, Jon Sarasuak idatzitako eta Liken taldeak musika jarri duen Oia abestia.
Argibide gehiagorako:

Kilometroen egitaraua
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun