Sopelako Nuyum elkarteak antolatuta, astelehenean eman zitzaion hasiera, udaletxean, Sahararen aldeko elkartasun asteari; eta, egunetik egunera, hainbat hitzaldi eta mahai-inguru egin dira bertan. Besteak beste, ostegun honetan, 19:00etatik aurrera, Saharar Preso eta Desagertuen Senideen Elkarteko (AFAPREDESA) eta Saharar Emakumeen Batasuneko (UNMS) ordezkariek hartuko dute hitza, ”Los presos saharauis en las carceles marroquies y la mujer saharaui” izeneko jardunaldian.
Asteburuan, berriz, solasaldiak alde batera utzi, saharar herriaren aldeko aldarrikapena jai giroan hartzeko aukera egongo da. Hona hemen ostiral eta larunbateko egitaraua:
Irailak 30, ostirala
18:30 Txupinazoa.
19:00 Saharar herriaren aldeko enkantea.
22:30: Erromeria Basajaun taldearen eskutik.
Txosna ireki eta musika egongo da.
Urriak 1, larunbata
10:30 Txistulariak.
11:00 Haurrentzako puzgarriak eta jokoak.
12:00 Ekitaldi politikoa.
14:00 Herri bazkaria: paella erraldoia.
17:30 Adin guztientzako antzerkia: "Salam".
19:00 Erromeria.
21:30 Brasildar inauteria: Batukada Chatunga Bembe taldearen eskutik.
23:00 Da Capo taldearen emanaldia.
Egun osoan zehar, haima eta henna tailerra egongo dira; baita tea dastatzeko aukera ere.
Aste honetan zehar, Sopelan ospatzen ari den Sahararen aldeko elkartasun astean egingo den enkanterako gaiak eman nahi dituzten guztiek irailaren 30era arte izango dute aukera. Hain zuzen ere, 19:00etatik 21:00etara bitarteko ordutegia jarri dute horretarako, udaletxean. Ostiral horretan bertan ospatuko den enkantean, objektu bakoitzeko ateratako zenbatekoaren %70a horren jabearentzat izango da; eta gainontzeko %30a saharar herriaren aldeko jardueretarako, udal arduradunek jakinarazi dutenez. (Argazkian, irailaren 14an Bilbon egindako kontzentrazioa / Saharatik.com).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun