Kalean dauden edukiontzi berdeetan giltzez zabaldu eta ixteko leihatila jarriko dute. Aipatu giltza ostalariek izango dute, taberna zein jatetxeetatik, botilak gurpildun ontziarekin garraiatu ostean, horiek bertara bota ahal izateko. "Sistema horren bidez, pertsona horien lana erraztu nahi dugu. Izan ere, gaur egun, banan-banan bota behar izaten dituzte botilak, edukiontziaren zuloa txikiegia delako", udal iturriek azaldu dutenez.
Sukaldeko olioa
Erabilitako sukaldeko olioa batzeko egitasmoari dagokionez, dagokien udaletxean aurkeztu beharko dira horretan parte hartu nahi duten Sopela, Urduliz, Plentzia, Gorliz, Barrika eta Lemoizko herritarrek. Bertan, olioa gordetzeko bost litroko bidoi bana emango diete dohainik; baita ontzi horiek zein egunetan, zein ordutan eta non jasoko diren azaltzen duen eskuorria ere. Berangon bezala, hilabetean behin igaroko da teknikaria herri bakoitzetik olioa hartzera. Sopelan ontzian udaletxean jaso daitezke jada, 19:00etatik 21:00etara.
Sukaldeko olioaz gain, tabernetako beira birziklatuko dute Sopelan
2005ko ira. 28a, 23:57
Berangon ezezik, Uribe Kostako Mankomunitatea osatzen duten gainontzeko udalerrietan ere jarriko dute abian erabilitako sukaldeko olioa batzeko egitasmoa, birziklatu eta biodiesel bihurtzeko asmoz. Horretaz gain, Sopelan, sistema berria probatuko du eskualdeko erakundeak, ostalaritza-establezimenduek pilatzen duten beira kopurua "osorik" edukiontzietara heldu dadin. Gauzak horrela, Larrabasterra eta Sopelako udaletxe aldeko 30 taberna zein jatetxe aukeratu eta gurpildun ontzia emango zaie horien jabeei, botilen garraioa erraztu nahian. Urritik aurrera jarriko dute martxan egitasmoa eta, emaitzak ikusita, Mankomunitateko gainontzeko udalerrietara zabaldu ala ez erabakiko da.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun