Egitarauaren barruan egingo diren atletismo probez gain, omenaldia egingo zaio Anton Larrazabal zenari. Berango Atletismo Taldeko kide izan zen, 72 urte zituela, uztailaren 28an zendutako gizona. Beteranoen Espainiako Txapelketan hainbat urrezko domin irabazi eta Berangoko Milian ere edizio guztietan parte hartu zuen, herriko atletismo klubeko kide bezala batzuetan eta Bizkaiko Atletismo Federazioaren ordezkaritzat beste batzuetan. Izan ere, federazioko presidentea izan zen Larrazabal 1992tik 1996ra bitartean.
Kategoriak eta orduak:
Kategoriaren arabera ezberdina izango da irteeraren ordua (Irteera Gobelalde kalean):
16:40
Haurrak (neskak) - 1991/92an jaioak.
Kadeteak (neskak) - 1990ean jaioak.
16:50
Kadeteak (mutilak) - 1990ean jaioak.
Haurrak (mutilak) - 1991/92an jaioak.
17:05
Gazteak (neskak) - 1988/89an jaioak.
Junior (neskak) - 1986/87an jaioak.
17:20
Gazteak (mutilak) - 1988/89an jaioak.
17:35
Junior (mutilak) - 1986/87an jaioak.
17:50
Beteranoak (neskak) - 35 urtetik gora.
Federatuen herri lasterketa (neskak) - 1986a baino lehen jaioak.
18:05
Beteranoak (mutilak) - 40 urtetik gora.
18:20
Federatuen herri lasterketa (mutilak) - 1986a baino lehen jaioak.
18:35
Lasterketa oroigarria Berango Atletismo Taldearen eskutik.
18:50
Federatuen elite lasterketa (neskak).
19:10
Federatuen elite lasterketa (mutilak).
Berangoko XVIII. Nazioarteko Atletismo Milian parte hartu nahi dutenek ostiral honetara arte eman ahal izango dute izena. Izan ere, probak lortu duen oihartzuna eta urtetik urtera herritarrek horretan korrika egiteko erakutsi duten interesa ikusita, larunbatean (urriak 1), hau da, lasterketaren egunean bertan, horretarako aukerarik ez dute emango Berango Atletismo Taldekoek. Milia (1.609,344 metro) egin nahi duten guztiek udaletxera joan beharko dira izena emateko (dohainik), 18:00etatik 20:00etara bitartean; bestela, 94 668 00 08 telefono zenbakira deitu edo 94 668 09 55 zenbakira bidali daiteke faxa, ordutegi berean. Atleta federatuek behar-beharrezkoa daukate lizentzia zenbakia ematea, antolatzaileek gogoratu dutenez. Guztira, 400 korrikalari batu nahi dituzte Berangon. (Argazkia: Aurten erretiratuko dela iragarri duen Isaac Viciosa atleta palentziarrari plaka oroigarria emango diote).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun