Battle for Wesnoth ordenagailurako joku librea euskalduntzen ari dira

Erabiltzailearen aurpegia Ukberri 2005ko urr. 4a, 19:48
Battle for Wesnoth ordenagailurako fantasia eta rol-jokuen osagaiak dituen txandakako estrategia joku librearen bertsio egonkorra (1.0) pasa den igandean argitaratu zen. Programa Windows, MacOS X, eta hainbat GNU/Linux-en distribuzioetan badabil eta jaisteko aukera dago. Battle for Wesnoth 2003ko ekainaren 18an sortu zen, David White garatzaileak 0.1 lehen bertsioa argitaratu zuenean. Jokuak bi urte hauetan arrakasta handia hartu du hainbat herritan eta gaur egun 17 hizkuntzatara egokitzeko lanetan jarduten du nazioarteko lagun askok. Euskal Herrian, Alfredo Beaumont "Ziberpunk" aritzen da jokuaren euskarazko itzulpenean, momentuz testuen %40tik gora euskaratu duela. Irudian, bataila baten xehetasun bat.
Battle for Wesnoth edo, Ziberpunken arabera, "Wesnoth-eko Borroka" joku libre arrakastadun bakarretako bat da eta webgunean irakur daitekeenez, "garapenaren oinarria bere egileentzako ahalik eta joku dibertigarri eta entretenigarria egitea" izan da "ahalik eta merkatu handiena lortzea baino". Horrela izanda, jokuak lortu omen du hainbat erabiltzaile ehunaka ordu jolasten igarotzeko bezainbeste maitatzera heltzea. Battle for Wesnoth ikasteko erreza izan arren ez da aurreikusteko modukoa gure kontra arituko den adimen artifiziala ahaltsua baita. Jokua lau kanpainaz osatuta dago, bakoitzak istorio interesgarri batekin.

Argibide gehiagorako:

Battle for Wesnothen webgunea euskaraz

Alfredo Beaumont "Ziberpunk"


Jokua jaisteko:

Iturburu kodea (36 MB)

Windows bertsioa (37 MB)

MacOS X bertsioa (50 MB)

Debian bertsioa
Kultura
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun