Iñaki Zarraoa alkate getxoztarraren hitzetan, “ondare hori galtzen utzi beharrean, berreskuratzeko lan egitea oso garrantzitsua da, batez ere, belaunaldi berriei begira”. Baina euskaldun zaharren hizkuntza ondarea (lexikoa, fonetikoa...) eta ondare etnolinguistikoa (kantak, bertsoak, ipuinak...) jaso ezezik, zabaldu ere egingo dute. Horrekin guztiaren eskola materiala egitea da helburua, ondoren, Haur eta Lehen Hezkuntzetako ikastetxeetan, gurasoen elkarteetan, euskaltegietan edo bestelako erakundeetan erabili ahal izateko.
Hitzarmen honen iraupena hiru urtekoa izango da eta bere zenbatekoa 85.000 eurokoa izango da. Horietatik, eta herritarren kopurua kontutan hartuta, Getxoko Udalak %51,51a ipiniko du eta Uribe Kostako Mankomunitateak %48,49a.
Aiton-amonen ahotik jasoko dute Uribe Kostako euskararen aberastasuna
2005ko urr. 5a, 22:16
Eskualdeko hizkuntza ondarea bildu eta zabaltzeko asmoz, uztaila aldean lankidetza hitzarmena sinatu zuten Getxoko Udalak eta Uribe Kostako Mankomunitateak. Bide horretan, dagoeneko lehendabiziko pausuak ematen hasi da tokiko erakunde getxoztarrak. Azpieuskalkiak daukan aberastasun guztia aiton-amonei egindako audio eta bideo grabazioen bidez jasoko dute. Hain zuzen ere, ehun bat euskaldunzahar horiei elkarrizketak zeinek egingo dizkien erabakitzeko lehiaketa deitu du Getxoko Udalak. (Argazkian, Iñaki Zarraoa Getxoko alkatea –ezkerrean– eta Juan Olea Uribe Kostako Mankomunitateko lehendakari eta Urdulizko alkatea –eskuinean–, hitzarmena sinatu zenean).Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun