Getxoko Antzerki Jardunaldiak egingo diren lau agertokietatik bi haurrei eskainitako lanentzako izango dira. Besteak beste, Gorakadaren "Titirikontukontari" (urriak 15), Gari, Montxo eta Joselontxoren "Supituki" (urriak 16), Malas pulgas taldearen "Lazaro Txiki" (urriak 22) eta Trokoloren "Niretzako!" (urriak 23) ikusteko izango dute, goizeko ordu batetan (gaztelaniaz) eta arratsaldeko seietan (euskaraz), Areetako Andres Isasi Musika Eskolan. Sarrera 3 eurokoa izango da. Algortako Telletxe plazan, berriz, kale antzerkia (euskaraz) izango dute neska-mutilek, dohainik, 12:30ean.
Emanaldi nagusiak Getxo Antzokian
Lan nagusiak Algortako Getxo Antzokian eskainiko dira, 9 euroren truke; 7 euro gazte txartela dutenentzat eta erretiratuentzat (Teleka bidez, 94 431 03 10 / 94 491 40 80 telefono zenbakietan edota antzokian bertan eskuragarri). Aurten ondoko hauek aukeratu dituzte: "Nasdrovia Chejov" (Vaiven Produkzioak), Garbi Losada getxoztarrak ekoiztu eta zuzendu duen "Como agua para chocolate" (Ados), Au revoir triunfadoreak (Antzerkiola imaginarioa) eta Les diables noirs (Deabru beltzak). Azkenik, Algortako San Nikolas plazan, "Carbon Club" kale antzerkia eskainiko du jardunaldien lehenengo egunean Markeliñek, 22:00etan.
Euskal antzerki taldeek egindako lan aberatsa ezagutzera emateko asmoz, Getxoko XXIII. Antzerki Jardunaldiak ospatuko dira urriaren 14tik 23ra bitartean. 1989tik gaur egunera, euskarazko antzerkigintzaren "erakusleiho garrantzitsua" bilakatu dira jardunaldiak, antolatzaileek aipatutakoaren arabera. Hain zuzen ere, 13 antzerki taldek eskainiko dituzten 19 ikuskizunetatik hamar euskaraz izango dira (beste zazpi gaztelaniaz eta bi ahotsik gabe). Nagusientzako eta haurrentzako antzezlanak egongo dira ikusgai, bi asteburu horietan. Hala ere, neska-mutilei arreta berezia eskainiko zaie. Besteak beste, 12 antzeki-lan ikusteko aukera izango dute txikiek; Gorakada taldeak estreinatuko duen "Titirikontukontari" tartean. (Argazkian, Garbi Losada getxoztarrak ekoiztu eta zuzendu duen "Como agua para chocolate" / Ados).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun