Azaroaren 17rako Ikasleen Nazioarteko Eguna deitu du IAk, “ikasleriari inposatzen zaion errealitate penagarria” salatzeko. Institutu, lizeo eta DBH eta Lanbide Heziketa zentroetan geldialdiak eta mobilizaziorako deiak egingo dituzte. Unibertsitateetan, berriz, greba orokorrerako deia egin dute.
Jai egun arrotzei intsumisioa
Urriaren 12an, Hispanitatearen eguna ospatzen dela, Herri Eskolak antolatuko dituzte Nafarroa Garaia, Araba, Gipuzkoa eta Bizkaiko ikastetxe eta fakultateetan. Hurrengo "jai egun arrotza" azaroaren 11a izango da, I. Mundu Gerran Frantziaren alde eroritakoen omenezko eguna. Orduan ere, herri eskolak antolatuko dituzte.
Ikasle Eguna
“Lehenengo hiruhilekoan izandako erronka guztiei euskal ikasleek emango dieten erantzuna ospatzeko” Ikasle Eguna egingo dute azaroaren 26an.
Ikasturte berrian ere ikasleen eskubideen defentsan aritzeko deia luzatu du IAk
2005ko urr. 6a, 23:06
Ikasle Abertzaleak taldeak ikasturte honetako lehen hiru hilabeteetan aurrera eramango dituen ekinbideen aurkezpena egin du gaur goizean egindako prentsaurrekoan. Azken ikasturteetan bezala, “ikasle eskubideen aldeko borrokan” arituko direla azaldu dute ikasle erakundeko kideek. Besteak beste, helburu horrekin, ikastetxe eta fakultateetan sortuko diren asanbladetan parte hartzeko eskatu die ikasleei IAk, baita datozen hilabeteetan egingo dituzten mobilizazioetan parte hartzeko ere. Besteak beste, azaroaren 17ko Ikasleen Nazioarteko Eguna, jai egun arrotzak eta azaroaren 26rako deitu duten Ikasle Eguna izan dituzte hizpide. (Argazkia: Gaztesarea.net)Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun