Victor Bravo Euskal Senatari Abertzaleen Taldekideak Goi Ganberako talde guztien laguntasuna erdietsi du EAJk Leioako udalari agindutako diru laguntasunaren gaineko mozioa aurkeztu duenean. Bravok gogoratu duenez "oraingo gobernuak PP alderdiaren gobernuaren erabakiak onartu zituen, hau da, 1999, 2000 eta 2001 urteetako aurrekontuetarako kultura zentroa eraikitzeko agindu ziren 1.800.000 euroak bermatu zituen. Dena dela, orain arte, Udalak 690.000 euro baino ez ditu hartu eta kopuru hori oso urrun dago agindutako 1.800.000 eurotatik" gaineratu du bozeramaile jeltzaleak.
Lanak 2004 urte erdian amaitu ziren. Bravok aditzera eman duenez, "horrelako jarduerek kalte handia egiten diote udalerriaren orekari. Horregatik Espainiako Gobernuak bere egitekoa bete behar du ahalik eta arinen, hitzarmenak betetzeko egiten baitira".
Leioako Udalari zor dion milioi bat euro ordain dezan eskatuko diote Zapaterori
2005ko urr. 7a, 00:40
Espainiako Goi Ganberan ordezkaritza duten talde guztiek begi onez hartu dute Victor Bravo EAJko senatariak aurkeztutako mozioa. Idatzian, Espainiako Gobernuak Leioako Udalari 1999ko apirilaren 12an sinatutako akordioaren bidez Kultur Leioa (argazkian) zentroa eraiki zezan agindutako 1.800.000 euroak ordaintzen bukatzeko eskatu du Bravok. Euzko Alderdi Jeltzaleak gaur bertan jakinarazi duenez, Leioako Udalak orain arte agindutako kopuruaren herena baino ez du jaso, 690.000 euro, alegia, eta 1.110.000 euro ditu kobratzeke.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun