Besteak beste, "Ez dugu ezer ospatzen. Euskal Unibertsitatea behar dugu" irakur zitekeen parkartaren atzean batu ziren 30 bat gazte, Euskal Herriak Bere Eskola (EHBE) erakundeak deituta. Horretaz gain, "irakaslego propioaren alde" egin zuten elkarretaratzea EHUtik kaleratutako sei irakaslek, "Autonomiaren alde. Irakaslego propioa. Despidorik ez!" lelotzat hartuz. Azkenik, "soldata duina" aldarrikatzeko batu ziren LAB eta EILAS langile erakundeetako hogei lagun inguru.
Gaiaren inguruko berriak:
Perez Iglesiasek unibertsitateen autonomia sustatzeko eskatu du - Berria (2005 Urr 07)
IAk eta EHBEk euskal ikasleen eskubideak aldarrikatu dituzte - Berria (2005 Urr 07)
Bolognako prozesua izan zen protagonista EHUren ikasturte berriaren hasiera ekitaldian
Euskal Herriko Unibertsiateak (EHU) herenegun (urriak 6) eman zion hasiera ofizialki 2005-2006 ikasturteari, Donostiako campusean. Juan Ignacio Perez errektoreak Bolognako prozesua defendatu zuen, baina adierazi zuenez, "Europako bateratze prozesuak homologazioa ekarri beharko luke berekin, eta ez uniformizazioa". Bestalde, EHUren erronkak "kalitateko ikasketak eskaintzea eta ikerketetan garatzea" direla adierazi zuen. Ikasturte berriaren hasiera ekitaldiaren harira, Ikasle Abertzaleak (IA) eta Euskal Herriak Bere Eskola (EHBE) taldeek Bolognako prozesuaren aurkako eta euskal eskolaren aldeko elkarretaratzeak egin zituzten Ibaetako campusean. Gainera, IAko bi kidek Bolognako prozesuaren aurkako oihuak jaurti zituzten agintarien aurrean, ekitaldi ofiziala egiten ari zen aretoan. Bestalde, EHUk Eduardo Txillida eskultorea omendu zuen Chillida-Lekun. Txillidak "Eman ta zabal zazu" leloaren irudia sortu zuen duela 25 urte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun