Dena dela, "beste arazo bat" agertu zaiola ere aipatu dute. "Langraitzeko Zuzendaritzatik jakinarazi diotenez, urriaren 24an epaiketa bat dauka Kordoban, berak jarritako salaketa batengatik, eta datorren astean-edo bertara eraman beharko dute. Kartzelarien aurkako hainbat salaketa eginak dituenez, ez daki oraindik epaiketa hori zeini dagokion", azaldu du Uribe Kostako Amnistiaren Aldeko Mugimenduak. Hala eta guztiz ere, abokatuek epaiketa hori atzeratzea eskatuko dute, "holako kasuetan egin ohi den bezala", bitartean behar duen arreta medikoa jaso dezan, gaineratu dutenez.
Anjel Figueroarekin batera, Andoni Muñoz de Vivar urduliztarra eta beste bi euskal preso politiko gehiago ere badaude Langraitzeko 4. moduloan. "Anjelen egoera medikoa kontutan hartuta sartu dute bertan, modulo hori bizimodu normaleko modulo izanik, bere gainean duen 1. graduaren aplikazioa aldi batean bertan behera utziaz", argitu dute Etengaben.
Gaiaren inguruko berriak:
Kordobako espetxetik atera dute Anjel Figueroa (2005 Urr 04)
Anjel Figueroa preso algortarraren osasun egoera larria da (2005 Ira 29)
Anjel Figueroa preso algortarra Langraitzen dago, Gurutzetan arreta medikoa jaso ahal izateko
Angel Figueroa preso algortarra urriaren 1ean atera zuten Alcoleako espetxetik (Kordoba) eta ostegun honetan iritsi da Langraitz Okara, Uribe Kostako Amnistiaren Aldeko Mugimenduak Etengabe.org bitakoraren bitartez jakinarazi duenez. Bertan, hasiera batean isolamenduko moduloan sartu bazuten ere, orain 4. moduloan dago, "bizimodu normalean alegia", gaur bertan, familiarrei telefonoz adierazi dienez. "Bestela ere, berretsi egin du espetxe-aldaketa arrazoi medikoengatik izan dela, Gurutzetako ospitalean hainbat kontsulta jarrita baitauzka dagoeneko", azaldu dute errepresioaren aurkako erakundeko kideek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun