Oraindik ere, Sopelako Udalak Eusko Jaurlaritzari utzitako lurretan egingo diren pisuak nola izango diren zehatz-mehatz ez dakiten arren, Zaldun bi etxebizitza-bloke eraikiko dituzte, behekoaz gain, beste bi solairutakoak. 9.1 eremuan ere bina bloke egingo dituzte. Baina zonalde horretakoek hiru solairu izango dituzte, behekaldekoaz gain. Gainera, Zaldun, etxebizitzez gain, erabilera publikoko hainbat lokal ere jarriko ditu Udalak.
Asteleheneko zozketaren emaitzak ezagutu nahi izanez gero, Etxebidederen webguneko (www.etxebide.info) Berriak sailean egongo dira ikusgai, astelehenean argitaratuko baituzte etxebizitzen esleipendunak suertatu diren lagunen zerrenda.
Babes ofizialeko 75 etxebizitza zozketatuko dituzte astelehenean Sopelan
2005ko urr. 15a, 14:31
Urriaren 17an zozketatuko dira, Sopelako metro geltokitik hurbil, trenbidea eta Olabide kalearen artean dagoen 9.1 eremuan egingo dituzten babes ofizialeko 46 etxebizitzak; eta Sipiri kaleko plazatik –"balearen parkea" izenarekin ezaguna– hurbil dagoen Zaldu zonaldeko gainontzeko 29ak. Horietako bat eskuratu ahal izateko 300 lagun baino gehiagok eman dute izena Etxebiden, udal iturrien arabera. Bere garaian, "onartutako eskaeren artean, sopeloztarrek lehentasuna izatea" eskatu zitzaion Eusko Jaurlaritzako Etxebizitza eta Gizarte Gaietarako Sailari, gogoratu dutenez. Zozketa 12:00etan egingo da, Urko kiroldegian. Zorioneko direnek bi urte barru jasoko dituzte etxeko giltzak. Izan ere, poligono biak 2007rako amaituta egotea aurrikusten dute.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun