"Goizetik... otoitzean" izeneko artikuluan Elezkanok bera eta elizkide batzuek 2000. urtetik aurrera egindako jardueren berri ematen du. Aipatzen duenez, literalki kopiatutako salmoekin hasi ziren, halabaina "urteak pasatu ahala, esamolde batzuk apur bat 'gogorrak', jendearentzat zailak, suertatzen zitzaizkigun eta horregatik moldaketa batzuk egiten ibili gara eta baita errepikatzen ziren salmo batzuk ordezkatzen ere". Orain ikasitako guztia eskaini diete inguruko fededun katolikoei: "atara dogun fruitua, nahiz eta txikia izan, eskaintzen deutsuegu guztioi, eta igarri ondoren zelakoa da otoitzearen garrantzia fede bidean proposamen bat egiten deutsuegu, zuok ere ikasi eta egin dagizuen".
Ikastaroa 2006ko urtarrilaren 28an, larunbata, izango da, 10:00ak eta 13:00ak bitartean. Izena emateko abenduaren 16ra arte Itzubaltzeta / Erromoko elizara deitu daiteke, astelehenetik ostiralera arte, eta 11:00ak eta 13:00ak bitartean. Telefonoa 944 637 298 da.
Azken bost urteotan goizeko otoitza beren kabuz prestatu eta egin ostean Itzubaltzeta / Erromoko San Jose elizako hainbat kristauk izandako esperientzia beste fededun batzuei zabaldu nahi die. Asmo horrekin, goizeko otoitza edo Laudesi buruzko ikastaroa jarri dute martxan, Juanjo Elezkano apaizak (argazkian) "Alkarren Barri" Bizkaiko eliza katolikoak argitaratzen duen aldizkariaren urriko zenbakian jakinarazi duenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun