Ezker Abertzaleko plataformek aitortu dutenez, "bere garaian, kritika gogorra egin genion Bizkaiko Aldundiari LZP honi alegazioak aurkezteko momentuan, eragile sozialen partehartzea mespretxatu eta mugarik gabeko lur okupazioan eta hazkunde ekonomikoan oinarritzen zen eredu ez iraunkorra bultzatzen ari zelako". Ildo horretan, "orain azken tramitearen atarian gaudenez, hau da, Gasteizko Gobernuko Lurralde Antolaketa eta Ingurumenaren Departamenduaren behin betiko onarpena emateko zain", Esther Larrañaga sailburuari Bilbo Metropoliko LZP hori atzera botatzeko eskatu zioten.
Herri ekimenen aburuz, "kontuan hartu behar dugu erabaki hau hartzea oso garrantzitsua dela Bilbo Metropoliaren hurrengo belaunaldien garapen iraunkorra eta orekatua lortzeko. Bestela, eskualdeko hiritarren gehiengoaren etorkizuna hipotekatuta geldituko da, EAJ eta EA-ren porlanaren negozioaren kontura".
Gaiaren inguruko berriak:
Getxo Biziak LZPri eginiko 13 alegazioak (Getxo Bizia) (2004 urt 30)
Getxo Biziak, Bizkaiko AuB, Lezamako Sasoiz eta Bilboko Herria Aurrera herri plataformekin batera, orain dela aste bat onartutako Bilbo Metropoliko Lurralde Zatikako Plana atzera botatzea eta gaur egungo Bizkaiko Diputazioaren "eredu txikitzailea eta atzerakoia" berrikusteko eskatu zuen urriaren 10ean Bilbon eginiko agerraldi baten bidez. Plataformek Esther Larrañaga EAEko Ingurumen eta Lurralde Antolamendurako sailburua galdegin zioten onartutako Bilbo Metropoliko LHZ gelditzeko eta inguruko eskualdeen "hiritar gehienen aldeko Lurralde Plan berri bat egiteko". Uribe Kostari dagokionez, Getxo Biziak salatu du "LZP honek dakarren lur okupazio itzelaren eta erabilera erresidentzialaren aldeko desoreka". Era berean, "hiper mobilitatea eta auto pribatuaren erabilera masiboa areagotzea" egotzi dio onartutako testuari. Argazkian, 2004an Getxo Biziak aurkeztutako alegazioetan errepiderik ez egiteko eskatzen zuen Barinatxe hondartzako irudi bat / frussurf.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun