Barrikako Andra Mari eliza txiki geratu da Aintzane Garairi azken agurra emateko

Erabiltzailearen aurpegia
Mila lagun inguru hurbildu da gaur Barrikako Andra Mari elizara Aintzane Garairen hileta-elizkizunean. Hasi baino 15 minutu lehenago heldu dira senitartekoak, malkoak begietan. Ama bereziki saminduta agertu da eta David hildako neskaren anaiak errespetua eskatu die han bildutako kazetariei. Amaitu eta berehala, elizaren ondoan dagoen hilerrian lurperatu dute gaztearen gorpua, familiaren asmoa erraustea bazen ere. Izan ere, auzia daraman epaileak hilotza ez erretzeko gomendatu die senitartekoei, udal arduradunek jakinarazi dutenez. Aintzane Garairen senide eta lagunekin batera, Jose Maria Ezpeleta Barrikako alkatea, Txomin Rementeria Bakiokoa eta Imanol Garai Sopelakoa izan dira bertan. Azkenik, 20:00etan elkarretaratzea egin dute Udaletxe plazan, elizaren ondoan.
Barrikako Andra Mari eliza txiki geratu da Aintzane Garairi azken agurra emateko. Ordu erdiko homilia eliza barrutik jarraitu ezinda geratu dira ehunka lagun eta tenpluaren kanpoaldetik jarraitu dute hileta-elizkizuna. Atsekabea izan da nagusi eta hilkutxa tenplutik atera dutenean, gaztearen amak eta beste senitarteko batzuek ezin izan dute nahigabea jasan eta bertatik atera behar izan dituzte.

Gaiaren inguruko berriak:

Aintzane Garairen mutil-lagun ohiak neska hil zuela aitortu du

Berrogei bat lagunek salatu dute Algortan Aintzane Garairen erailketa

Ehunka pertsona izan dira Barrikako kontzentrazioan Aintzane Garairen familiarekin elkartasunean (2005 Urr 18)

Aintzane Garairen hilketa salatzeko kontzentrazioa deitu du biharko Bilgune Feministak (2005 Urr 18)

Eusko Jaurlaritzak bere dolumina agertu dio Aintzane Garairen familiari (2005 Urr 18)

Aintzane Garairen erailketa gaitzesteko elkarretaratzea deitu dute arratsalderako Barrikan (2005 Urr 18)

Eusko Legebiltzarreko kideek Aintzane Garairen hilketa salatu dute (2005 Urr 18)

Atxilotuta jarraitzen du Aintzane Garairen mutil-lagun ohiak (2005 Urr 18)

Barrikako Udalak erabateko gaitzespena agertu du Aintzane Garairen erailketaren aurrean (2005 Urr 17)

Aintzane Garairen mutil-lagun ohia atxilotu dute (2005 Urr 17)

Aurkitutako gorpua Aintzane Garairena dela egiaztatu dute (2005 Urr 17)

Ostiralean desagertutako Aintzane Garai barrikoztarra hilik agertu omen da (2005 Urr 17)
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun