Uribe Kostako Mankomunitatearen estatutuak aldatzearen alde daude Berango eta Sopelako EBkoak

Erabiltzailearen aurpegia
Berangon egin bezala, Sopelan ere Uribe Kostako Mankomunitatearen estatutuak aldatzea proposatuko dio udalbatzari EB-Berdeak taldeak, urriaren 25eko osoko bilkuran, aipatu erakundea osatzen duten "Udaletan ordezkaritza daukaten alderdi politiko guztiek Mankomunitatean ere eduki dezaten". Sopelako EB-Berdeak taldeak adierazi duenez, "erakundearen aurrekontua handia bada ere, informazio argirik ez dago horren kudeaketari buruz. Batzarretan hartutako akordioak jasotzen diren aktak ere ez dira argitara ematen. Argazkian, Jose Vicente Ojinaga Sopelako EBko bozeramailea.
Uribe Kostako Mankomunitatea osatzen duten Barrika, Berango, Gorliz, Lemoiz, Plentzia, Sopela eta Urdulizko Udalei dagokienez, albistean aipatutako bietan –Berango eta Sopela– baino ez dauka ordezkaritza EB-Berdeak taldeak.

Ezker abertzalea

Uribe Kostako Mankomunitatean dauden udalerriei dagokienez, 2003ko maiatzaren 25eko udal hauteskundeetan, ezker abertzaleko talde politiko bakarrak, Sopela Aurrerak, eskuratu zuen ordezkaritza legala. Hiru zinegotzi, alegia. Beste ezker abertzaleko sei plataformetatik batek, Gorliz Aurrerak, ez zituen lortu behar izango lituzkeen botoak balizko zinegotzirik eskuratzeko. Falta diren bost taldeek; Barrika Baietz, Hain Ederra (Berango), Ipar Haizea (Lemoiz), Haize Abertzalea (Plentzia) eta Urdulizen Bagara herri plataformek hain zuzen ere, Alderdien Legearenpean ezeztatu zizkieten 7 zinegotziak aldarrizkatzen dituzte. Gauzak horrela, Ezker Batuak proposatutakoa onartzen bada, litekeena da gaur egun Udaletan dagoen "apartheid ez" kanpaina, Mankomunitatera heltzea.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun