Gatazkak konpontzeko prozesuak aztertzen ari dira egunotan Getxo udalerrian

Erabiltzailearen aurpegia
Ramón Alzate EHUko Gatazken Analisi eta Konponketa Arloko katedradunak eman zien hasiera atzo arratsaldean (argazkian), Getxoko Udalak Gatazka Eraldatzeko Unibertsitate Zentroarekin (GEUZ) elkarlanean antolatutako Komunitatearen Bitartekaritza eta Bake Kulturari buruzko I. Jardunaldiei. GEUZko zuzendari zientifikoa ere den Alzatek ekimen honen filosofiari buruz jardu zuen, goizean, komunikabideen aurrean egindako agerraldian. “Tokian tokiko bitartekaritza prozesuek euren arteko gatazkak era erreaz eta azkarrean konpontzen laguntzen diete herritarrei; gizartetik bertatik sortzen diren bezala, goragoko erakundeetara jo behar izan gabe. Gauzak horrela, jokaera horrek bi ondorio ditu: alde batetik, gatazkei irtenbidea ematen zaie eta, aldi berean, herritarren arteko harremanak sendotuak suertatzen dira", azaldu zuen adituak. Ostiral honetara arte luzatuko dira jardunaldiak, Algortako Villamonte kaleko kultur etxean.
Besteak beste, Ramón Alzate EHUko katedradunak eta Jacques Faget Bordeleko Unibertsitateko Zuzenbide doktoreak parte hartuko zuten atzo jardunaldietan, udalerriko agintariekin batera. Gaur, berriz, Cristina Merino GEUZko abokatu eta bitartekariaren eta Bartzelonako Unibertsitateko Salvador Puentesen txanda izango da. Azken egunean, Madrilgo Unibertsitate Autonomotik etorritako Carlos Gimenezek Migrazioa eta Kultur-aniztasunari buruz mintzatuko da; María Munne Bartzelonako Unibertsitateko kideak, azkenik, herri erakunde batetik egin daitekeen bitartekaritzari buruz.

Gaiaren inguruko berriak:

Gatazkak elkarrizketaren bidez konpontzeko teoria azalduko dute urrian Getxon (2005 Ira, 13)
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun