Trafalgarreko itsas batailaren 200. urteurrena Areetan aurroroituko du bihar EHUk

Erabiltzailearen aurpegia
Ingalaterrak irabazi eta Espainia eta Frantziak galdu zuten Trafalgarreko itsas batailaren bigarren mendeurrena zein bertan hil ziren itsasgizonak oroitzeko, itsasontzi parada egingo du bihar, ostirala, EHUko Nautika eskolak. Ekitaldia goizeko 12:00etan izango da Ibaizabalen, Abrako Itsas Elkartearen portua eta Getxo Kaiaren artean, eta Areetako nasatik zein Getxo Kaitik bertatik ikusi ahal izango da. Bertan, Portuko Agintaritzaren eta praktikoen itsasontziek, olgetako yateek eta alturako patruilera batek parte hartuko dute, Saltillo (argazkian) EHUko eskola itsasontzia buru dutela. Saltillotik Joseba Beobide kapilauak eskaintza egingo du eta ohorezko suziri andana jaurtiko da, kostaldeko herrietako kanpaiek jotzen duten bitartean. Ekimena Nautika eta Itsasontzi-makineria Goi Eskola Teknikoak EHUren 25. urteurrena dela eta antolatu duen hamabostaldian kokatzen da.
Ekintza honen bidez, Trafalgarreko batailan hil zen Kosme Damian Txurruka Mutrikuko seme ospetsuari egindako omenaldiarekin bat egin du EHUk. Egun horretan bertan, arratsaldeko 20:00etan, Portugaleten dagoen Nautika eta Itsasontzi-makineria Goi Eskola Teknikoko areto nagusian abesbatzen kontzertua izango da, Trafalgarreko marinelen omenez. Saioa Bilboko Koral Elkarteak eskainiko du eta "Carmina Burana" lana abestuko dute.

Saltillo

Saltillo goleta Amsterdamgo ontzioletan egin zuten 1932an eta bi urte beranduago erosi zuen Peru Galindez Bilboko Merkataritza Ganbarako burua izan zena. Baina, itsasontzia 1948tik 1962ra bitartean egin zen ezaguna. Izan ere, garai horretan zehar Juan Borbon Bartzelonako konteak, gaur egungo Espainiako erregearen aita, erabiltzen zuen. 1968an, Bilboko Nautika eskolak Portugaleteko egoitza ireki zuen egunean, Galindezek Saltillo oparitu zuen eskola itsasontzia izan zedin. Horrela izan zen 1987ra arte, konponketak egiteko zerbitzutik kanpo gelditu zela. 1998an, milioi bat euro inbertitu ostean, Saltillo uretara itzuli zen berriz.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun