L’Orchestre Typique bere errautsetatik berpiztu da Robert Santiagoren akordeoiaren inguruan, adituen esanetan. Aspaldiko orkestra handietan inspiratutako errepertorioa daukate: txa-txa-txa, mamboak, boleroak, baltseak, rumba... jotzen dute; baita forroa, vallenatoa eta bomba ere. Hain zuzen ere, horretan datza aldearen originaltasuna; nahiz eta gure artean gutxitan entzun, Hego Amerikan oso ezagunak diren estiloak bilatzean (chota bomba, vallenatoa, forroa...), alegia. Tokiko bertsio edo abesti horiek, “etnikoegiak” izateagatik, erabat ezezagunak dira jatorrizko herrialdetik kanpo.
Hurrengo emanaldiak
Abendura bitartean, Bilboko Udaleko Txitularien Banda (azaroak 11), Trio Sustraiart (azaroak 25), Lunfardo taldea (abenduak 2) eta Benito Lertxundi (abenduak 17) izango dira Kultur Leioako auditorioan, Udazkeneko Kontzertuak 2005 zikloaren barruan. Emanaldi guztiak 20:30etik aurrera izango dira, 6 euroren truke (azken bien salneurria konfirmatzerik ez du izan UKBERRIk).
Gaiaren inguruko berriak:
Antonio Vegak emango die hasiera, gaur, Leioan, Udazkeneko Kontzertuei (2005 Urr 14)
Robert Santiagoren orkestrak emango die jarraipena gaur iluntzean Leioako Udazkeneko Kontzertuei
Udazkeneko Kontzertuak 2005 zikloak bere bidea jarraituko du, gaur iluntzean, Leioan. Uribe Kosta eskualdeko herrian antolatutako emanaldien artean, Robert Santiago et Son Orchestre Typique (argazkian) taldeak eskainiko du kontzertua Kultur Leioa aretoko auditorioan. Santiagoren beraren bildumako disko sortatik ateratako errepertorio aberatsa –boleroak, txa-txa-txa, mamboak, rumbak, merengeak– egongo da entzungai gaurkoan. Kanta gehienak abestutakoak dira (ahots bakarlari batekin eta koruekin). Musikarien zintzotasuna eta gogoa, moldaketen maila eta jatorrizko konposizioen kalitatea aintzat hartuta, orkestra “txiki” hau aparteko taldea da, eta musika mota hauek entzuleen belarrietan durundi egitea lortzen du. Ekitaldia 20:30etik aurrera izango da, 6 euroren truke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun