Erandio, Berango eta Sopelan metroaren hasiera ordua aurreratzea eskatzeko sinadurak batuko dituzte

Erabiltzailearen aurpegia
Bizkaiko Garraio Partzuergoari metro zerbitzuaren hasiera ordua 5:00etara aurretu dezala eskatzeko, sinadura bilketa egingo du asteburu honetan EB-Berdeak taldeak. Besteak beste, bihar, Barakaldo, Sestao, Portugalete, Erandio, Berango eta Sopelan jarriko dituzte mahaiak, eguerdi aldera. Eta igandean, Bilboko Areatzan. "Herriko jaietan metroen maiztasuna areagotzen dute bidaiarien joan-etorria errazteko. Hala ere, lanera joateko behar duten ehunka lagunen beharra asetzeko ez dute gauza bera egiten", kritikatu du alderdi federalistak.
Garraio publikoaren alde apustua egitea "ahalik eta gehien optimizatzean" datza, Ezker Batuaren ustez, "ibilgailu pribatuak dagoeneko gainezka dagoen errepide-saretik kendu ahal izateko; arazoa konpondu ez eta ingurumena suntsitzen duten autobide gehiago eraiki behar izan gabe".

Orduak eta lekuak

- Erandio: 12:30ean hasiko dira sinadurak biltzen, metro geltoki parean. Erandiokoak ezezik, Getxo udalerriko EB-Berdeetako kideak egongo dira bertan.

- Berango: Ordua eta lekuaren informazioa ematerik ez dio izan momentuz UKBERRIri Bizkaiko EB-Berdeetako prentsa zerbitzuak.

- Sopela: 13:00etan hasiko dira sinadurak biltzen, udaletxe aurrean. Jose Vicente Ojinaga Sopelako EB-Berdeetako bozeramailea egongo da bertan.

Gaiaren inguruko berriak:

Metroen maiztasuna areagotzea nahi du Sopelako Ezker Batuak (2005 Urr 20)
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun