Off Getxo Moda amaitu ostean, euskal diseinuari helduko zaio txanda. Mercedes de Miguel, Alicia Rueda, Ian Mosh eta Mario Rogel diseinugile ospetsuek 2006ko urteko udaberri-udarako proposamenak aurkeztuko dituzte. Lehengo egunari amaiera emateko, Juana Ruiz eta Garbiñe Urdainpilleta diseinugile eta artista getxoztarrek, Jota Mas Ge etxekoek, euren bildumaren aurkezpena egingo dute.
Getxo udalerriko merkataritza
Bihar, 20:30etik aurrera, saltoki getxoztarrek izango dute aukera 2005-2006ko udazken-negurako proposamenak aurkezteko. Parte hartuko duten dendak honako hauek dira: Alguer, Bennetton, Dachi, Gloss, Hormaechea Diseño, Ian Mosh, Mimas, + Visión Optica Gondra eta Tximeleta. Marcel Arranz ile-apaindegikoek modeloak orraztu eta makillatuko dituzte.
XXI. lehiaketari Ion Fiz diseinugileak emango dio bukaera. Azkeneko lau bildumen laburpena erakutsiko du ibiltokian, hots, orain dela hilabete bat baino gutxiago Cibeles ibiltokian aurkeztu zuen proposamena bera, komunikabideetan eragin handia eta gerturatuko publikoaren txalo ugari jaso zituena, hain zuzen ere.
Desfile guztiak arratsaldeko zortzi t'erdietan hasiko dira, eta sarrera doakoa izango da, gonbidapenekin alegia. Egingo diren hainbat ekintzetara joateko ere gonbidapena beharrezkoa da. Interesa dutenek txapelketan parte hartuko duten dendetan eskuratu ditzakete horiek.
Helburuak
Antolatzaileen hitzetan, Getxo udalerriko kalitatezko merkataritza sustatzea eta indartzea da jardunaldien helburuetako bat. "Getxo Modak kalitatezko merkataritzarako erakustokia irudikatzen du. Getxoko Merkataritzako Eskaintzaren azterketatik eskuratutako datuen arabera (pasa den urtean egin zena), udalerriko ehungintza eta jantzigintza esparruak tokiko merkataritzako denden %24,9 osatzen du", diote.
Getxo Enpresa eta Merkataritzak antolatuta eta El Correo Espanol egunkariak diruz lagunduta, astearte eta asteazken honetan honetan egingo da XXI. Getxo Moda, Areetako Xake plazan jarritako karpapean. Besteak beste, Off Getxo Moda ibiltokirako aukeratutako hamabost diseinugile berrien bilduma "ausart eta abangoardistak" zabalduko dute desfile sorta, gaur, arratsaldeko 20:30ean. Aipatu lehiaketako aurtengo irabazleak nazioarteko azoka garrantzitsuenetara (Paris, Londres, Milan eta New York) joateko aukera izango du, baita datorren urteko Getxo Modan ospe handiko diseinugileekin parte hartzeko ere, iazko Off Getxo Modaren irabazlea suertatu zen Mariano Rogelek aurten egingo duen bezala. Argazkian, Ion Fiz diseinugileak duela gutxi Cibeles ibiltokian egindako desfilearen irudia. Hain zuzen ere, horrek emango dio amaiera aurtengo Getxo Modari, bilduma bera erakutsiz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun