Hurrengo egunean, Alemaniako Calmus Ensemble abesbatzaren txanda izango da. Abesbatza misto horrek errepertorio zabala du, musika sakratuarekin hasi eta rock konposizioen moldaketetara artekoak, nahiz eta Saxoniako musika tradizioa bereziki interesatzen zaion.
Ostiralean, Varsoviako Unibertsitateko Abesbatza izango da Algortan. Talde misto horretan Poloniako hiriburuko unibertsitatean dabiltzan ikasle gazteak daude. 1921ean sortua, sari ugari du talde honek eta mundu osoan hartu du parte ospe handiko jaialdietan eta gertaeretan.
Amaiera bikaina
Azkenik, Getxoko Aste Koralari amaiera bikaina emateko, Norvegiako Schola Cantorum abesbatza izango da larunbatean. Lau hamarkada baino gehiagoko ibilbidea duen talde horretan Osloko Unibertsitateko Musikologia Fakultateko ikasleak daude. Errepertorio zabala duten arren, Eskandinaviako egileen lanetan espezializatuta dago abesbatza; horien artean dago talde hau sortu eta lehenbiziko zuzendaria izan zen Knut Nystedt.
Getxoko Aste Koralaren XXV. edizioa hasiko da bihar, eta larunbatera bitartean lau herrialde desberdinetako taldeen partaidetza izango du, entzuleei errepertorio polifoniko zabala eskaintzeko asmoz, Getxoko Kultur Etxeko iturriek jakinarazi dutenez. Antolatzaileen arabera, ekitaldi honen ardatza errepertorio zabala izatea da, entzuleek konposizio klasikoez, garaikideez, herritarrez edota erlijio musikaz gozatzeko aukera izango baitute. Aniztasunaz gain, gonbidatutako taldeen kalitatea da nabarmentzekoa, nazioartean izandako arrakastek bermatzen baitute hori. "Azken finean, entzuleei herrialde desberdinetako taldeak eta musika korala ikusteko modu desberdinak erakustea da kontua", azaldu dute. Ohikoa denez, Aste Koralean euskal talde baten emanaldia ere izango da. Algortako Biotz Alai abesbatza (argazkian) izango da bihar jardunaldiak zabalduko dituena. Emanaldi guztiak 19.30ean izango dira, Algortako Getxo Antzokian. Dohainik izan arren, gonbidapena beharko da sartzeko, Getxoko Kultur Etxean jasotzekoak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun