Informazio orokorrari dagokionez, ordutegi eta telefonoen datu batzuk gaztelera hutsean eta beste batzuk elebidunez daude. Erakusketa gelen, Txopelen, kirolen eta TAOren inguruko edukinetan ere badira erdara hutsean bilatu behar diren informazioak.
Gaiaren inguruko berriak:
Sopelako Udalak bere webgune berria aurkeztu du (2005 Urr 24)
Atzo aurkeztutako eta gaur sarean abiatutako Sopelako Udalaren webguneak bigarren mailako herritartzat ditu erabiltzaile euskaldunak sopelana.net helbidean egiazta daitekeenez. Kolektibo baztertu ezberdinak integratzeko asmoa zuen webgune antolakuntza berriak ez du lortu euskaldunak itsu, daltoniko edota software askearen erabiltzaileekin berdintzea. Izan ere, “Asteko argazkia” eta “Albumeko argazkia” atalen argazki-oinak, kultur ekitaldiak iragartzeko “euskarazko bannerra” eta azalean agertzen diren 18 berrietatik 15 gaztelera hutsean daude. Era berean, eta azalan bertan, Bizkaia.net webguneko esteka, pantaila-babesa, eta argazkiak bidaltzeko zein webguneari buruzko iritzia emateko bannerrak Cervantesen hizkuntzan irakurtzeko aukera baino ez dago. Halaber, webgunean zehar hainbat esteka apurtuta daude edo, zuzenean, ez dira jarri erabiltzaileari deserosotasuna sortzen. Argazkian, sopelana.net ataria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun