Aipatzekoa da hilabete honetakoa ez dela LAB sindikatuaren bulegoaren kontra izandako lehenengo erasoa eta sutea piztu zuenak ez zuela eraikineko sarraila bortxatu.
Gaiaren inguruko berriak:
Getxo Biziak aurkeztutako interpelazioa (pdf)
Getxoko Udaletxean dagoen LABeko egoitzari su eman diote lapurtu ostean (2005 Urr 08)
LABeko egoitzan izandako erasoaz galdetuko dio Zarraoari Getxo Biziak
2005ko urr. 26a, 15:33
Urriaren lehenengo asteburuan Getxoko Udaletxean dagoen LAB sindikatuaren bulegoak jasan zuen erasoaren harira, Getxo Bizia ezker abertzaleko plataformak Pertsonal Arloko zinegotzi arduraduna eta Getxoko alkatea interpelatuko ditu datorren ostiraleko udalbatzaz baliotuz. Herri ekimenak udal agintariek gertatutakoaren aurrean agertu duten “pasibitatea” eta isiltasuna deitoratu ditu, prentsa oharra baten bitartez. Getxo Biziak iragarri du Getxoko alkateak ez duela interpelazioa udal batzarreko gai-zerrendan sartzeko asmorik eta, horri aurreratuz, udal batzarretik zein kanpotik galdera berberak egingo dituela argitu du plataformak. Iñaki Zarraoari (argazkian) eta Manu Etxebarriari zuzendutako itaunak honako hauek dira: noiz jarriko diren harremanetan LABeko ordezkariekin, zer ikerketa egiten ari den edo abiatuko duen Udalak eta zer neurri hartuko diren horrelakorik berriro gerta ez dadin.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun