Askatasuna: urriak 28, azken ostirala (Etengabe.org)
Etxerat: urriak 28, azken ostirala (Etengabe.org)
Gaiaren inguruko berriak:
Donostiako Udalak ez du presoen aldeko errezitaldia debekatuko (Berria.info)
Presoen aldeko olerki errezitaldia egingo dute Donostian - Gara.net (2005 Urr 25)
Ostiral honetarako zortzi kontzentrazio deitu ditu Uribe Kostan Etxeratek
2005ko urr. 27a, 23:40
Hilero bezala, azken ostiralerako, urriak 28, hainbat kontzentrazio deitu du Etxeratek Euskal Herri osoan. Hilabete honetako leloa "Estatus politikoa orain!" izango da, euskal preso politikoen senideek pasa den asteazkenean jakinarazi zuten bezala. Bestalde, presoen aldeko olerki eta musika errezitaldia egingo dute bihar ere Donostiako Lugaritz kultur aretoan, PPk debekatzeko eskatu arren. Bitartean, Uribe Kostan honakoak izango dira hitzorduak: Erandion, metro aurrean; Leioan, Boulevardean; Areetan, Xake plazan; Algortan, Telletxen; Berangon, Gudari enparantzan; Sopelan, udaletxe aurrean; Urdulizen, BBVAren aurrean; eta Armintzan, bus geltokiaren aurrean. Kontzentrazio guztiak 20:00etan izango dira, Armintzakoa izan ezik, 19:30ean burutuko baita. Leioako Kurkudi eta Algortako Amnistia tabernetan taloak egongo dira kontzentrazioen ostean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun