Knut Nystedt zuzendari eta konposatzaileak sortu zuen Osloko Unibertsitateko Musikologia Fakultateko ganbera abesbatza hau. Hasieran kide guztiak ikasleak ziren arren, gaur egun toki anitzetakoak dira. Orain arte bi lan argitaratu dituzte: lehenbizikoak egungo musika eta Norvegiako konposatzaileen folklorea hartzen du; bigarrenak, berriz, Knut Nystedtek berak konposatutako eliz musika koral sakratua.
Algortan bihar eskainiko duten errezitaldian, Claude Debussy, Francis Poulenc, Sverre Bergh, Andrew Smith, Knut Nystedt, Jan-Magne Forde, Henrik Odegaard, Luis de Aramburu, Andres Edenroth, C.V. Stanford edota Klaus Eggeren piezak entzun ahal izango dira.
Schola Cantorum talde norvegiarrak emango dio amaiera bihar Getxoko XXV. Aste Koralari
Getxoko XXV. Aste Korala bihar bukatuko da, Schola Cantorum abesbatza norvegiarrak Algortako Getxo Antzokian emango duen kontzertuarekin. Emanaldia 19:30ean hasiko da, eta sarrerak (doako gonbidapenen bidez) Villamonte kaleko aretoan jaso daitezke, Getxoko Kultur Etxeko iturriek jakinarazi dutenez. Folkloreaz gain, egungo musika ere abesten dute. Iaz, 40 urte betetzen zituztela eta, Eskandinaviako egileek konposatutako lanen errepertorio zabala ere prestatu zuten. Azkenaldian egin dituzten biretan Baltiko itsasoko herrialdeetan, Hegoafrikan eta Japonian izan dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun