Koldo Martinez Berangoko Ezker Batuko zinegotziak jakinarazi du hartutako erabakiarekin "pozik" dagoela, baina ez duela baztertzen aurrerago Mankomunitateko estatutuen aldaketa berriro proposatzea.
Gaiaren inguruko berriak:
Uribe Kostako Mankomunitatearen estatutuak aldatzearen alde daude Berango eta Sopelako EBkoak (2005 Urr 20)
Mankomuniteari buruzko informazio batzordea eratzea aho batez erabaki du Berangoko udalbatzak
Uribe Kostako Mankomunitatearen kontuen berri izango dute hemendik aurrera Berangoko udalbatzan jesarlekua duten alderdi politiko guztiek. Horrela onartu dute aho batez gaur goizean burututako udalbatzan. Eztabaida Ezker Batuak piztu zuen egun EAJk bakarrik duen ordezkaritza beste alderdiei zabaltzeko asmoz, Mankomunitateko estatutuak aldatzea proposatu zuenean. Baina, EAJren ezetza ziurra zenez EBk atzera egin du planteamendu horretan. Ezker Batua-Berdeen iritziz, Mankomunitateak egingo dituen bileren aktak zabaltzea eta iragartzea "lortu du EBk" eta Mankomunitatean hartuko diren akordio eta erabakiak biltzeaz gain, mankomunitatearen zerbitzuei buruzko informazio zehatza eskainiko da maiztasunez. Horretaz arduratuko da gaur onartu den informazio batzorde berria. Argazkian, Koldo Martinez EBko zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun