Bizkaiko Asanblada Libertarioak antolatuta, pasa den urriaren 28an hasi ziren II Azaro Libertarioa jardunaldiak Barakaldoko Dorretxea gaztetxean. Gaur, Leioako
Udondo gaztetxean, Euskal Herria eta errepresioari buruzko bideo emanaldi bikoitza eskaini du Ez Jaun Ez Jabe taldeak, Iturribideko Gazteria Libertarioen eta Itzubaltzeta gaztetxeko kideek azaldu eta eztabaida sustatu dutela. Bihar, berriz, Tesalonikari buruzko bideoa ikusteko aukera izango da goizeko 12:00etatik aurrera Udondon bertan. Bi ordu beranduago herri bazkaria izango da, eta 17:00etan Italian ematen den polizia-errepresioari buruzko hitzaldia hasiko da. Iluntzeko 20:00etan Compañeros de Suicidio, Gatazka, Kaskarriak eta Infrakuerpos taldeek kontzertua eskainiko dute. Txartela gaztetxeko sarreran bertan eros daiteke, hiru euroren truke.