Ekitaldia Lidonen heriotzaren laugarren urteurrenean burutu da. Izan ere, 2001eko azaroaren 7an ETAko bi kidek Bizkaiko Auzitegiko Bigarren Aretoko magistratua tirokatu zuten Algortan. Kasu hori dela-eta auziperatua izan da Orkatz Gallastegi berangoztarra, epailearen heriotza eragiteko asmoz Urtzi Murueta leioztarrari informazioa ematea leporatzen diotela.
Joseba Azkarraga sailburuaren aburuz “askatasuna indarkeriari gailenduko ez zaion irudikapena da Lidon; are, ETAk kale egin zuen Justizian izua sortzeko saiakeran eta horren isla da Lidon bera".
“La ley de medidas de proteccion integral contra la violencia de genero” gaztelerazko zuzenbide liburua aurkeztu dute gaur goizean Deustuko Unibertsitatean. Lan hori “Cuadernos Penales Jose Maria Lidon” bildumako bigarren zenbakia da, Deustuko Unibertsitateak Eusko Jaurlaritzako Justizia, Lan eta Gizarte Segurantza Sailaren laguntzaz argitaratua, Jose Maria Lidonek (argazkian) magistratu eta irakasle gisa egindako lanari jarraipena egiteko asmoz. Aurkezpenean, Joseba Azkarraga Eusko Jaurlaritzako Justizia, Lan eta Gizarte Segurantza sailburua, Fernando Ruiz Piñeiro Euskal Autonomia Erkidegoko Auzitegi Nagusiko presidentea eta Juan Echano Zuzenbide Fakultateko dekanoak hartu dute parte. Era berean, prentsaurrekoa baino lehen ehun bat pertsona elkartu dira Lidon gogoratzeko Bakearen Aldeko Koordinadorak antolatutako ekitaldian. Bertan izan dira, besteak beste, Jaime Oraa unibertsitateko errektorea, eta Antonio Basagoiti eta Txema Oleaga PPko eta PSE-EEko zinegotziak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun