Azaroaren 11an "Gaztetxea denok gara" eguna antolatu dugu. Eguna, berez, gaztetxean ibiltzen ez diren, edo gutxi ibiltzen diren gazteei zuzenduta dago. Gaztetxea gazteon etxea dela aldarrikatzeko, eta bertan gazte eta herri kultura hasten eta sortzen delako.
Arratsaldeko 19:00etan hasiko gara, urteurrenaren programazioaren aurkezpenarekin, gero gaztetxea ezagutzen ez duen jendeari, txokotik txokora erakutsiko diogu, ondoren bertan egiten diren tailerren azalpena, galderak eta proposamenen hartu-emanak izango dira, eta amaitzeko luntxa goxo goxoa izango dugu.
Badakizue, animatu ta parte hartu.
BIZIRIK BIZITZEKO, GAZTETXEA EGUNERO
HERRI BAT, GAZTETXE BAT
Udondo Gaztetxeko Gazte Asanblada
Udondo gaztetxeak biharko, azaroak 11, "Gaztetxea denok gara" eguna antolatuko du. Bertan zentro okupatuaren 5. urteurrenaren programazioaren aurkezpena, gaztetxearen erakusketa, gaztetxean egiten diren tailerren azalpena, galderak, proposamenak eta luntxa goxo-goxoa izango dira denontzat eskuragarri. Datorren azaroaren 18an, berriz, Udondo gaztetxearen 5. urteurrena izango da. Izan ere, jada 5 urte igaro dira gazte talde batek Espainiako Gizarte Segurantzak Leioako Udondo auzoan bahitutako industria bat okupatu zuenetik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun