Leioako campuseko areto nagusian bat pertsona bildu da, eta mahainguruak hainbat gonbidatu bildu ditu eztabaidarako: Iñaki Goirizelaia (EHUko Bizkaiko campuseko errektoreordea), Carlos Villan Duran (Nazio Batuen Erakundean Giza Eskubideetan aditua), Jon Mirena Landa (Eusko Jaurlaritzako Giza Eskubideetarako zuzendaria), Juan Carlos Soto (abokatua eta Amnesty Internacionaleko kidea)eta Gemma Calvet Barot (abokatua eta Asociació Catalana per la Defensa dels Drets Humans-eko kidea). Mariano Ferrer kazetaria izan da mahaingurua zuzentzeko arduraduna.
Azaroaren 12an, ekimen honen azken egunean, ekitaldi berezia egingo da Durangoko Landako erakustazokan. Egun horretako herri-bazkarirako txartelak ere salgai daude dagoeneko.
Jende ugari bildu da gaur EHUko Leioako campusean Kaierari harrera egiteko. Ilusio handiz eginiko marrazkiak, bertsoak, komikiak, olerkiak, eta sinadurak jaso ditu gaurkoan ere Euskal Herrian zehar dabilen ekimenak. Kaiera goizeko 10:15ak aldera heldu da unibertsitatera. Bertako ikasle, irakasle eta langileek eskubide zibil eta politikoen urraketen inguruan euren iritzia adierazteaz gain, Funtsa taldearen ikuskizunaz gozatzeko parada izan dute. EHUko 18/98+ batzordeak antolaturiko ekimenen artean, mahaingurua ere izan da, "Eskubide zibilak gatazkak konpontzeko prozesuetan" lelopean. Argazkia eta informazioa: Gaztesarea.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun