"Zerbitzu publikoak ezin dira errentagarritasun ekonomiko irizpideengatik bakarrik zuzenduta egon", Mikel Arana EB-Berdeen Lehendakaritzako bozeramailearen ustez, "gehienbat aipatu neurria hartzeak 5.000 lagunei egingo liekelako mesede". Azaldu zuenez, "horiek 6:00etan hasten dira lanean. Hortaz, ibilgailu pribatuan joan behar izaten dira". "Herrietako jaietara zein, Athleticen partidak ikustera, San Mamesera joateko metro zerbitzua areagotzen den bezala, lanera joateko behar duten ehunka lagunen beharra asetzeko ere metro zerbitzuaren hasiera ordua 5:00etara aurretzea eskatzen dugu", gaineratu zuen Aranak.
Gaiaren inguruko berriak:
Erandio, Berango eta Sopelan metroaren hasiera ordua aurreratzea eskatzeko sinadurak batuko dituzte (2005 Urr 21)
Metroen maiztasuna areagotzea nahi du Sopelako Ezker Batuak (2005 Urr 20)
Bi astez luzatuko da metroaren hasiera ordua aurreratzea eskatzeko sinadura-bilketa
2005ko aza. 12a, 15:47
Mikel Arana EB-Berdeen Lehendakaritzako bozeramailea buru zutela, alderdi horretako 50 bat kargu publiko eta kide elkartu ziren atzo eguerdian, hamabost minutuz, Metro Bilbao konpainiaren egoitzaren aurrean, metro zerbitzuaren hasiera ordua 5:00etara aurretu dadila exijitzeko. Aipatu azpiegitura inauguratu zenetik hamar urte betetzen ziren egunean bertan, “Apertura del metro a las cinco de la mañana, socialmente rentable” (Metroa 5:00etan zabaltzea onuragarria da gizarterako) irekur zitekeen pankartaren atzean jarri ziren han bildutakoak. Ezker Batuak urria amaieran abian jarri zuen eta beste bi astez luzatuko den sinadura-bilketaren harira egin zuten atzoko kontzentrazioa. Izenpeak Bizkaiko Garraio Partzuergora helaraztea da asmoa, "dagoeneko sinatu duten milaka lagunen eskaera aintzat hartu dezaten". Josu Sagastagoitia Metro Bilbaoko zuzendari gerenteak berak urteurrenaren bezperan adierazitakoaren arabera, "goizean ateratzen den lehen metroa 06:00etan irten beharrean 05:00etan ateratzea" dute erronken artean. Argazkian, Berangoko metro geltoki parean egindako sinadura-bilketa.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun