Unibertsitatean, berriz, Bologna prozesuaren aurkako greba orokorra deitua dago. Europa mailako deialdi baten baitan (Europa osoan egingo dira bihar gauza ugari Bolognaren aurka, eta Espainian greba egingo da adibidez Madril edo Kataluinan), ikasle eta abertzaleok gure gain hartu dugu erronka.
Zergatik? Bolognak gure hainbat eskubide urratzen dituelako. Alde batetik euskara hirugarren maila batean uzten du (ez da hizkuntza ofiziala europa mailan, eta ingelesak lekua jango dio frantses eta gaztelaniarekin batera), europar curriculum bat inposastuko da, hor daude ECTS kredituak, hor dago ikasi eta lan egitea ezin uztartzea, hor jarraituko dute tasek, hor egongo dira Bolognak sustaturiko lehiakortasun bortitza eta indibidualismoa...
Bolognak hezkuntzaren merkantilizazioa suposatzen du, eta ikasleontzat gure eskubideak ez daude salgai. Agintari ezberdinek ikasleon mugikortasuna eta karreren homolagazioa saltzen digute, baina Bolognak atzetik dakarrena ezkutatuz: gure hezkuntzaren kalitatearen degradazioa. Gainera suposatzen da ikasleon onerako egiten den zerbait dela, baina ikasleokin ez da ezertarako kontatu. Zer erakusten du horrek? Bolognaren benetako izaera, enpresak izango direlako aberastuko direnak.
Mobilizazioak:
Hau guztia ozen salatzeko eta gure eskubideen alde kalera irtengo gara ikasleok bihar Euskal Herriko toki gehienetan. Mobilizazioak ikastetxe eta herri ezberdinetan egingo dira, baina hona hemen deialdi garrantzitsuenak:
- Bilbo: Arriaga Antzokian 12:30ean manifestazioa.
- Gasteiz: 12:30ean Arka Plazan manifestazioa.
- Donostia: 13:00etan Boulevardean manifestazioa.
- Iruñea: 12:00etan Plaza de la Cruzen manifestazioa.
- Baiona: 12:30ean kontzentrazioa Saint Leonen.
Unibertsitatetan greba orokorra deitu da egun guztirako!
Ikasle Abertzaleak
Bolognari ezezko argia emateko, greba orokorra izango da ostegun honetan Leioako campusean
2005ko aza. 16a, 23:10
Ostegun honetan ikasleok Nazioarteko Ikasleon Eguna ospatuko dugu. Ospatu diogu, baina ospatzeko ezer gutxi edukita. Izan ere, beste urte batez, aldarrikatzeko eguna izango da biharkoa. Hezkuntza ertainean (DBH, Batxilergoa, Lizeoa...) Ikasleon Eskubideen Aldeko eguna egingo dugu. Ikasleon Eskubideen Kartan 9 eskubide zerrendatzen dira, etengabe zapalduak direnak. Ikasleok ezin dugu euskaraz ikasi, curriculum frantses eta espainiarrak inposatzen dizkigute, hor daude jai egun arrotzak (urriak 12, azaroak 11, abenduak 6...), gaztelania eta frantsesezko apunteak, ordaindu behar ditugun tasa eta fotokopiak, garraio prekarioa... Ikastetxeetan egunero borrokatzen dugu eskubide horien alde, baina bihar kalera irtengo gara gure aldarrikapenekin. Argazkian, azaroaren 9an, asteazkenean, EHUko Leioako campuseko Medikuntza eta Odontologia Fakultateako 25 bat ikaslek egindako burrunbada zaratatsua, Bologna prozesuari ezezko argia esateko eta IAk deitutako greba orokorrarekin bat egiteko / Gaztesarea.net.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun