Hain zuzen ere, 6 eta 12 urte arteko haur eta gazteen artean herriko toponimia ezagutarazi eta, bide batez, "euskararen beraren ezagutza eta erabilera bultzatzeko", aipatu hartzaileentzako egokitu dute CDaren ataletako bat, aurkezpen erakargarria eta gustokoa baliatuz, Imanol Landa Presidentzia zinegotziak azaldu duenez. Besteak beste, fikziozko pertsonai getxoztarra, haize errota alegia, izango dute "gidari" neska-mutilek, bertan aurkitu daitezkeen sei jokoetan aurrera egin eta piraten altxorrera iristeko.
Eduki ugari
Adin guztientzako erabiltzaileentzat, berriz, 1.200 sarrerez osatutako datu-base elkarreragilea dauka CDak, botoia klikatu eta informazioa eskuratzeko. Horretaz gain, "Getxoko leku izenak" liburua bera kontsultatu daiteke PDF formatoan. Azkenik, udalerriko etxe eta paraje ezagunen ganeko 240 argazki, Getxoko mapa (airetik egindako argazkia eta mapa toponimikoa), 8 ibilbide turistiko eta 18 ikuspegi panoramiko –360 gradutako irudiekin– ere gehitu dituzte.
Gaiaren inguruko berriak:
Getxoko toponimiaren liburua eta mapa aurkeztu dituzte (2004 Api 22)
Jokoak, ibilbideak eta argazkiak batu dituzte Getxoko toponimiaren gaineko CDan
Sofia Susok eta Mikel Gorrotxategik egindako liburuan eta mapan oinarrituz, "Getxoko leku izenak-Getxo olgetan" izeneko euskarazko toponimia CDa plazaratu du Getxoko Udalak. Imanol Landa Presidentzia zinegotziak azaldutakoaren arabera, CDak bi zati ditu: bata 6 eta 12 urte arteko neska-mutilei zuzenduta dago, jokoen bidez, horien artean "Getxo udalerriko toponimoen ezagutza sustatzeko". Beste aldea, berriz, edozein adineko lagunentzako dago pentsatuta, kontsultak egin, mapak ikusi edota liburuaren datu-basean bilaketak egin ahal izateko. Horretaz gain, hainbat ibilbide eta garai bateko argazkiak ikusi daitezke. Orotara, 2.500 ale argitaratu dira, herriko 20 liburu dendetan eta Durangoko Azokan 6 euroren truke salgai egongo direnak. Hala ere, gaur, arratsaldeko 7etan, Fadura kiroldegiko areto nagusian egingo den aurkezpenera doazenek oparituta eskuratezko aukera izango dute. Argazkian, ezkerretik eskuinera, Imanol Landa zinegotzia eta Iñaki Zarraoa alkatea, CDa eskuan dutela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun