Zapatu goizera arte egongo da Larrabasterrako Ikasle Egunerako sarrerak aldez aurretik erosteko aukera

Erabiltzailearen aurpegia
Ikasle Abertzaleek (IA) antolatuta, azaroaren 26an (zapatua), izango da Larrabasterran aurtengo Ikasle Eguna, "Sasi guztien gainetik" lelopean. Sarrerak 13 euro kostako dabe aurretik eta 17 euro bertan. Zapatu goizerarte egongo da aurrez erosteko aukera. Uribe Kosta eskualdean honako tokietan egongo dira salgai: Algortako Amnistia tabernan; Gorlizko Xurruten; Itzubaltzeta / Erromoko Brankan; Leioako Kurkudin; eta Sopelako Mikelats, Laiak, Kala eta Erroia tabernetan. Argazkia: Besteak beste, Berri Txarrak taldeak joko du 21:00etatik aurrera izango den kontzertuan.
Garraioei dagokienez, metroak gau osoan zehar funtzionatuko du, baita Bizkaibuseko Areeta-Armintza eta Mungia-Larrabasterra autobus zerbitzuak ere, egunean zehar. Gainera, autobusak antolatuko dira hurrunagoko herrietatik (adi apuntatzeko lekuekin) eta kotxez etorri behar direnak Sopelan edota inguruko herrietan (Berango, Urduliz...) aparkatu ahal izango dabe, gero metroa hartzeko. Beraz ez dago garraioaren aitzakiarik.

Animatu eta azaroaren 26an denok Larrabasterrara!

Egitaraua honako hau izango da:

15:00 Gunearen irekiera: Malabareak, hankapaluak, tinbalak... gunea berotzen joateko.

19:00 Manifestazioa.

20:00 Ekitaldi nagusia.

21:00 Kontzertuak:

- Berri Txarrak.
- Gatibu.
- Barricada.
- Soziedad Alkoholika.
- Ene Bada.

Eta ondoren... jaia!

Ikasle Abertzaleak
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun