Euskara Europako erakundeetan "oraindik atzean" dagoela gogoratu du Kontseiluak

Erabiltzailearen aurpegia
Euskararen Gizarte Erakundeen Kontseiluak Europako Batasuneko erakundeetan euskaraz egiteko aukera ontzat eman du. Halere, gogorarazi du euskarak ez duela ofizialtasun osoa Europan, "erabiltzeko aukera eman arren hizkuntzak bigarren mailan egoten jarraitzen du", adierazi dute. Izan ere, deia egin diete euskal administrazioetako arduradunei Europan ez ezik, euskal erakundeetan ere euskaraz egiteko. "Legebiltzarrean eta agerraldi publikoetan normalean gaztelaniaz egiten dute", jakinarazi dute. Argazkian, Xabier Mendiguren Kontseiluko idazkari nagusia.
Era berean, Euskal Herrian Espainiako Gobernuak dituen administrazioetan euskara erabiltzeko aukera eskatu dute Kontseiluko arduradunek, "ez baitago euskara erabiltzerik".

Bestetik, Euskal Herrian bertan oraindik euskararen normalizazioaren alde egiteke asko dagoela goraipatu dute, batez ere Nafarroan eta Ipar Euskal Herrian. "Berezko hizkuntza izan arren, herritarrei ez zaie eskubide osoa aitortu", aldarrikatu dute.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun