Lehiaketako formatoa berezia izango da: sei parte-hartzailek osaturiko bi txanda burutuko dira eta ekitaldiak bi ordu iraungo du. Eurak izango dira olatu handiena puntuatuko dutenak, baita surflaririk osoena, jaitsiera erradikalena eta 'wipe out' handiena burutzen duena ere. Baldintza bereziak behar dituen ekitaldia denez, abenduaren 3tik urtarrilaren 15era jarri dute txapelketa egiteko denbora. Modu horretan, ekitaldia burutzeko egun aproposena erabakitzeko aukera izango dute antolatzaileek, itsas-baldintzen arabera.
Zonalde honetako ezaugarriak direla eta, antolatzaileak eta surflariak itsasontziz joango dira ikuskizuna hobeto aztertzeko eta uretan sartzeko erraztasun handia izateko. Txapelketa labarretik ikusteko aukera izango dute ikusleek, eta hizlari bat izango da. Publikoak eta komunikabideek Euskal Herriko Surf Federaziora deituz eska dezakete ekitaldiaren hasieraren datari buruzko informazioa: 944 735 125, astelehenetik ostiralera, 10:00etatik 14:00ak arte. Lehiaketaren hasieraren eguna bi egun lehenago jakinaraziko da, olatu-iragarpenen arabera.
Galean jokatuko den olatu handien txapelketak 12 surflari bilduko ditu, horietatik zortzi Uribe Kostakoak
Euskal Herriko Surf Federazioak eta Getxo Surf Taldeak dena dute prest Galean jokatuko den Big Challenge 2005 olatu handien txapelketarako. Bertan, 12 surflarik lau metro baino gehiagoko olatuen gainean ibili beharko dute. Horietatik zortzi Uribe Kosta eskualdekoak. David Bustamante; Getxo udalerriko Iker eta Eneko Acero (argazkian / EHSF), Dani Diez, Peio Etxeberria eta Jaime Fernandez; Sopelako Aritxa Saratxaga; Torrelavegako Pablo Solar; eta Zarauzko Aritz Aranburu, Asier Munain eta Ibon Amatriain dira aukeratutako surflariak. Besteak beste, 4.100 euro eta Full & Cash etxeko bi surf-taula banatuko dira. Gainera, partaide guztiek 200 euroko saria jasoko dute parte hartzeagatik, antolatzaileek gaur jakinarazi dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun