14:00etan Koblakariren malabare ikuskizuna egon zen. Jende mordoa bildu zen bertan... eta ondoren indabada herrikoia egin genuen. Bazkaldu ostean, berriz, herri txikiteoa egon zen eta, eguna bukatzeko, kontzertuak gaztetxean Eraso eta Tuboskapiren eskutik, giro aparta sortuz: jendea goizeko ordu txikiak harte geratu zen gaztetxean urteurrenaren amaiera ospatzen.
Ostiralean ere giro aparta
Ostiralean kalejira burutu genuen herrian zehar, malabare, hankapalu, mozorro, musikari eta tinbaleroekin, besteak beste, autogestioaren eta okupazioaren aldarria zabalduz. Gero, reggae musika egon zen gaztetxean Dj Monkey Familiren eskutik.
Udondo gaztetxea
e-posta:udondogaztetxea@sindominio.net
Udondo gaztetxearen 5. urteurrena ospatzeko larunbaterako ekintzak debekatu zituen Karmelo Sainz de la Maza Leioako alkateak, Udondo gaztetxea bera irainduz. Hala ere, azkenean kalea hartu zuten gazte leioztarrek eta, aurrikusi bezala, Okupazio Eguna egin zen. Udal mandatariaren debekuaren gainetik, goizeko 10etan gaztetxean lotu ginen guztia prestatu eta boulevardera eramateko. 11:00ak aldera, berriz, gauza guztiak hartu eta muntatzen hasi ginen: puzgarria, futbolina, serigrafia, mahai jokoak, txalaparta, graffitiak... eta inguruan biltzen hasi ziren herritarrak (gazteak, haurrak, helduak...). Polizia ere bertatik ibili zen, inguruan jirabiraka, baina ez ziren hurbildu 12:00ak aldera boulevarda jendez beteta zegoelako. Gainera, alkateari ez zitzaion komeni herri erdian ikuskizuna ematea. Dena den, ikusteko dago alkateak eta Udalak hartuko duten jarrera. Argazkia: Udondo gaztetxean astean zehar egiten diren tailerrak atera zituzten larunbatean kalera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun