Hiru lagun atxilotu dituzte Bilbon ustez dirua zor zien Leioako bizilagunari herio-mehatxua egiteagatik

Erabiltzailearen aurpegia
Erandioko ertzain-etxeko agenteek hiru gizonezko atxilotu zituzten atzo arratsaldean Bilbon, zor bat hil-mehatxua eginda kobratzen ahalegintzea leporatuta. Ertzaintzaren ikerketaren arabera, mehatxuak joan zen azaroaren 18an gertatu ziren Leioako etxebizitzan. Orain atxilotuta dauden G.S.G., I.G.G eta F.J.J.M. Basauri eta Etxebarriko bizilagunek ustez zorduna eta bere senideak mehatxatu zituzten, 6.000 euro baino gehiagoko zorra kobratzeko. Eusko Jaurlaritzako Herrizaingo Sailak jakinarazi duenez, hura beldurtu eta estutzeko joan zen zordunarengana, beste bi lagunekin, mailegu-emailea.
Gertakariaren berri izan ondoren, hiru lagunak identifikatu eta bilatzen hasi zen Ertzaintza, eta atzo atxilotu zituzten 17:00ak inguruan, Bilboko Moyua plazan. 44 urteko G.S.G. eta 34 urteko I.G.G eta F.J.J.M. Bilboko guardiako epailearen esku geratu dira gaur.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun