Itzubaltzetako EHEk Getxoko udal erregistroan sartu du kendutako bide-seinaleetako bat

Erabiltzailearen aurpegia
Iñaki Zarraoa Getxoko alkateari zuzendutako oharrarekin batera erregistratu du Areetako posta bulegoaren ondoan zegoen erdara hutsezko errotulua Itzubaltzetako EHEk. Goizeko 12:00etan, euskalgintzako erakundearen kide bat udaletxean agertu da eta, langileen harridurarako, pakete batetik erdarazko bide-seinalea atera eta hori erregistratzeko nahia azaldu du. Era berean, Itzubaltzetako EHEk udalerrian egun dauden udal "errotulu diglosiko zein elebidunen aldaketa eta horiek islatzen duten kale-izendegiaren euskaratzea" eskatu du.
Gaur udal erregistroan sartutako burdinazko xafla ezabatzeari 1998an ekin zion lehenengo aldiz EHEk. 2001ean eta 2002an, berriz, ofizialki salatu zuen udal erregistroan eta 2002ko apirilaren 24an Zarraoak berak erdarazko errotulua ordezkatuko zuela agindu zuen.

Gaiaren inguruko berriak:

Itzubaltzetako EHEk gaur udal erregistroan sartutako eskaera (pdf)

Errotulazioa normalizatzeko exijitu dio Zarraoari Itzubaltzetako EHEk (2005 Aza 19)

Bihar egingo da Ezabaketa Eguna Itzubaltzetan (2005 Aza 18)

EHEk Ezabaketa Egunak egingo ditu hilaren 19tik 26ra (2005 Aza 17)

2002ko martxoaren 21ean Zarraoari bidalitako gutuna (pdf)

2002ko martxoaren 21ean SCHri bidalitako gutuna (pdf)

2002ko martxoaren 21ean kaleratutako prentsa-oharra (pdf)
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun