Ingurumenaren babesa sustatzeko asmoz, bi atal bereiztu daitezke erakusketan: batean, gaur egungo arazo eta mehatxuak aztertzen dira; eta bestean, hainbat irtenbide proposatzen dira garapen iraunkorraren ikuspuntutik. "Erakusketak gizakiaren ekintzek ingurumenean duten eragina erakustea du helburu, baita garapen iraunkor eta luze bateranzko bidea erraztuko duten alternatiba global eta pertsonalak eskaintzea ere", unibertsitateko iturriek adierazi dutenez. Leioan egon eta gero, Ibaetan (Ignacio Maria Barriola eraikinean, otsailaren 20tik martxoaren 10era) eta Gazteizen (Ingeniaritza Unibertsitate Eskolan, martxoaren 13tik 31ra) egongo da erakusketa.
Leioako campuseko Zientzia eta Teknologia Fakultateko ospakizun-aretoan egindako inaugurazio ekitaldian Ander Gonzalez Unibertsitate Hedakuntza errektoreordea, Elisa Sainz de Murieta Eusko Jaurlaritzako Ingurumen eta Lurralde Antolamendu Saileko Biodibertsitate zuzendaria, Mikel MancisidorUnesco Etxeko zuzendaria eta Miren Onaindia EHUko Unesco Katedrako koordinatzaile nagusia egongo dira, hurrenez hurren.
"Konponbide Bila" garapen iraunkorraren gaineko erakusketa zabaldu dute gaur Leioako campusean
"Garapen Iraunkorra eta Ingurumen Hezkuntza" EHUko Unesco Katedrak antolatuta, "Konponbide Bila" izeneko erakusketa inauguratu dute gaur, azaroak 22, Leioako campuseko liburutegi nagusiko erakustaretoan. Besteak beste, "ingurumenaren babeserako ezagutza, motibazioa, konpromezua eta indibidualki zein kolektiboki lan egiteko tresnak eskaintzea du helburu ekimenak, aldi berean ingurumena errespetatzeko jarrerak eta jokaerak bultzatuz", antolatzaileek adierazi dutenez. Erakusketa abenduaren 13ra arte egongo da ikusgai (astelehenetik ostegunera, 10:00etatik 13:00etara eta 15:00etatik 18:00etara, eta ostiraletan 10:00etatik 13:00etara). Argazkia: Leioako campuseko Zientzia eta Teknologia Fakultateko ospakizun-aretoan egindako inaugurazio ekitaldiaren ondoren, John Celecia Unescoko "Man and Biosphere" egitasmoaren aholkulari espezializatuak eskaini du hitzaldia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun